Zabuli 125 - Luganuzi Luswanu Kuli Wanhu Wose 2002

Wucitilwe we wanhu wo Mulungu

¹ Wono wamwitumbiye Muwaha Mulungu, wehwanile ne litunda lya Sayuni, lyono si lisinjisikaga yaye, langa lisikame vilo vyose.

² Nha vyono Yelusalemi yipilimwe ne matunda, ale, no Muwaha Mulungu nayo, vyo yawapilime wanhu wakwe, ku wulawa lulu, sunga ko ku cibitilila.

³ Hambi nha si kowaleka i wabi, ho wateme yisi ya we ling'ani, ku soko hono wateme, wowambuza weling'ani nawo wetume wubi.

⁴ Gwe go Muwaha Mulungu, weze muswanu kuli wanhu waswanu, kuli walya du wono webate malajilizo gako.

⁵ Ninga lono wukuwalipiciza i wanhu wabi, ale wulipicize sunga, na wono si wakutyatya zo wutonji wako. Mulamu weze kuli Isilayeli!