Zincimpi 20 - Libuka Lya Kuyela

¹ Waine yaletanga wuncengwe kami malovu a mukuku aletanga miyoyo, ou nimwendi unakoniwi kunebye ngana wufwazo.

² Wukali wa mwene wafweka ngo kubulama kwa shimbwi, nimwendi ukumupilamisha wayongeshanga wumi wendi.

³ Shenga sha maleema ku muntu kulifumisha ku mishunga, ngoboni shibulangana nimwendi wazaminanga kulyamba.

⁴ Ou ukwikala na wuvwa ha shikati sha kulima, ha shikati sha kuteza kowa ebye atezanga.

⁵ Bifungo bya muntu byafweka ngo limpunga lya mema, ngoboni mukaku yuvwishisha ukutwesha kubilimuka.

⁶ Bantu babengi ba kulitoya nibo bamwine ngayi ba shishemo, ngoboni yani ukutwesha kuwana muntu wakwoloka?

⁷ Muntu wakulunga wayoyanga mu kupwisha, bali na mfuywezi bana bendi bakeza munyima yendi.

⁸ Oho mwene uli ha litanda lyendi na kuyata, walelekakanga byabibi nimwabyo na meho wendi.

⁹ Yani ukutwesha kwamba ngayi, “Nayeleshe mutima wami, ninayele ku wubi.”

¹⁰ Bipimo na bipimisho bya mahalo, nimwabyo byenga bya wunyengwe kuli Nyambi ya Ngula.

¹¹ Hinge kanuke walihololanga niyemwine na biheka byendi, ebye atendanga ndi byabiwahe hinge ndi byabibi.

¹² Litu likakuyuvwa na liho likaku mona, Nyambi ya Ngula niye wabilengele nimwabyo.

¹³ Hinga uhaka tulo, ndelewa ukenga wakushepwa, tona pe ukekala na byakulya byabingi.

¹⁴ Mukakulanda wambanga ngayi, “Shashibi, sha shibi,” ngoboni oho walandakale, ha kuya na kuliyemeza.

¹⁵ Kuli ngolinde niko kuli na mamanya amengi a ndando yayinene, ngoboni mivumbo ya kalimukisho niwo mamanya a ndando yayinene.

¹⁶ Muntu nimwendi ukukulupisha kwimanina mukuli wa muyeni wakuyeba, pe wafwanina kuyumba wuheti wendi nimwawo.

¹⁷ Byakulya bya kuyiba byayuvwanikanga wutobe ku muntu, ngoboni ku mamaninino kanwa kendi kenzalanga na limvu.

¹⁸ Bifungo byashumishiwanga na kulitengulula, ndi ukutatika nzita, unafwanini kwikala na bakakutwaminina.

¹⁹ Muntu wakatungwila, kaliha waholekanga byambo, nohobene hinga ulilama na muntu walibwayila.

²⁰ Ndi muntu ukukuta tatiyendi na mandiyendi, wumi ukamana ngonehe lambi yazimanga mu mincimpwe.

²¹ Likona liya likutambuliwa wanguwangu ha kutatika, ku mamaninino kukatandalishiwa lifwako.

²² Hinga wamba ngayi, “Nikabwesha wubi ku wubi,” tatilila Nyambi ya Ngula niye ukakuyavwa.

²³ Bipimisho bya kubula kulingana byenga bya wunyengwe kuli Nyambi ya Ngula, kami bipimo bya mahalo kaliha byenga byabiwahe.

²⁴ Nyambi ya Ngula niye watwamininanga zintambo za muntu, haya muntu ukutwesha nahiti ku yuvwishisha nzila yendi niye mwine?

²⁵ Hanganika shiwahe oho shilolo ukulupishe ntupu kuli Nyambi, kutina ukalihepa kumbili.

²⁶ Mwene wangana walimukanga bantu bakuluwa, pe wabashushulanga kaliha wabayuvwilanga nceshe.

²⁷ Lumuni lwa Nyambi ya Ngula lwa shingishishanga moyo wa muntu, lwafutulanga bimamo nimwabyo bya mukati ka muntu.

²⁸ Nceshe na kupwisha byalamanga mwene, kami litanda lyendi lya shumishiwanga na nceshe.

²⁹ Wuwahe wa bandumbana wenga nyala zabo, ngoboni nzivwi niwo wuwahe wa tukulukazi.

³⁰ Mizizi ya kukamiwa ya manishanga byabibi, Zinyanzi zayeleshanga mukati ka muntu.