Zincimpi 16 - Libuka Lya Kuyela

¹ Muntu wayongolanga mu mutima, ngoboni Nyambi ya Ngula niye wakumbulanga.

² Zinzila za muntu nimwazo zenga zaziwahe kukwendi, ngoboni Nyambi ya Ngula niye mukakufwanikiza bihanganiko.

³ Kundika mulimo wobe kuli Nyambi ya Ngula, pe bihanganiko byobe bikatangama.

⁴ Nyambi ya Ngula walilengelele byuma nimwabyo ha shifungo shendi, hinge bantu bakuluwa bali na mutena wabo wa makando.

⁵ Nimwendi mukakuliyemeza wenga wa wunyengwe kuli Nyambi ya Ngula, mwa shikuma ukashushuliwa.

⁶ Yinga muka nceshe na kwoloka, pe Nyambi ya Ngula ukakuyatila wubi wobe, yuvwila Nyambi ya Ngula bowa pe wubi ukafuma kukwobe.

⁷ Nyambi ya Ngula oho aku wahilila na zinzila za muntu, hinge bamalamo bendi ukubengisha ngayi bekale nendi mu ku mwena.

⁸ Shashiwahe kwikala na byabishe hinga wenga muntu wakulunga, kupitakana kwikala na byabingi bya kuwana mu nzila yayibi.

⁹ Muntu ukutwesha kuhanganikila mu mutima niyemwine nzila yendi, ngoboni Nyambi ya Ngula niye wamwendeshanga.

¹⁰ Mu kanwa ka Mwene mu kufuma nyatilo ya wunyambi, kutwesha kutengamisha ha kuyata wufwako.

¹¹ Bipimisho na bifwanikizisho bya kupwisha byenga bya Nyambi ya Ngula, shipimo nimwasho washilimuka.

¹² Shenga shuma sha wunyengwe ku bamyene kutenda byabibi, ndaba litanda lya shumishiwanga na kutenda bya kulunga.

¹³ Bamyene bashinga mivumbo yambanga byakwoloka, kami bahaka ou ukwamba bya kulunga.

¹⁴ Wukali wa mwene wenga ngonehe ntumwana wa lufu, ngoboni muntu wangana ukutwesha kuwu fwomona.

¹⁵ Kubesha kwa lupala lwa mwene kwaletanga wumi, pe kuyamiziza kwendi kwafweka ngonehe makumbi aletanga mvula washituwizi.

¹⁶ Kuwana ngana kwakuwahe kupitakana ngolinde, kuhata ku yuvwishisha kwenga kwakuwahe kupitakana shiliva.

¹⁷ Nzila ya muntu wakwoloka ya mufumishanga ku byabibi, ou ukulama nzila yendi ukukoweza wumi wendi.

¹⁸ Kuliyemeza kwatwamininanga muntu mu kuloba, mutima wakulilundumika washingishilanga muntu ngayi awe.

¹⁹ Shinengi shashiwahe kwikala na mutima wakulilimbwilisha hamo na bakakuyanda, kupitakana kulitapila lipuku hamo namu kakuliyemeza.

²⁰ Ou ukwombatala ku lizu ukatangama, uli na mfuywezi ukakukulupila muli Nyambi ya Ngula.

²¹ Muntu uli na mutima wangana ukutumbiwa ngayi wakukeya, wa nyambilo yayiwahe wawezelelanga kalimukisho.

²² Ngana zenga kaheloke ka wumi kukwendi ulinazo, ngoboni bakuyeba bashushuliwanga ndaba ya wuleya wabo.

²³ Muntu wa mutima wangana, nyambilo yendi ya kukeya, kami za wezelelanga kalimukisho mukanwa kendi.

²⁴ Mazu amawahe anafweke ngonehe likanza lya wushi, amatobe ku moyo kami anyongomanishanga lutu.

²⁵ Kuli nzila yamonekanga wuwahe ku muntu, ngoboni mamaninino ayo enga lufu.

²⁶ Nzala yaleteshanga muntu kukalamana, kami kanwa kendi niko kamukandamikanga.

²⁷ Shihulahuli wavumbanga byabibi, na nyambilo yendi yafweke ngo mundilo ukuhokesha.

²⁸ Muntu wamubi mutima waletanga mangunga, kami katungwila katapululanga muntu na muhoni wendi.

²⁹ Muntu wa mushunga wahonganga kukoka ndambo yendi, na kumutwala mu nzila yayibi.

³⁰ Keya na muntu ou ukulelula ukufunga byabibi, ou ukuminuna mivumbo ukushonkomona byabibi.

³¹ Mutwe wa nzimvwi unengi munana wa maleema, zawaniwanga mu kuyoya kwa kulunga.

³² Shashiwahe kubula kupilama shawangu kupitakana muntu wa ngovu, kami ou wakwatanga mutima wendi ukupitakana ou ukulela lukena.

³³ Bantu bashanganga nyela ku shingishisha shifungo sha Nyambi, ngoboni Nyambi ya Ngula niye walimukanga ebye bikatendiwa.