Zincimpi 10 - Libuka Lya Kuyela

Zincimpi za Sholomoni

¹ Eze nizo Zincimpi za Sholomoni. Mwana wangana ukuwahililisha tatiyendi, ngoboni mwana wakubula ngana ukuletela mandiyendi lisheni.

² Wuheti wakuheta mu nzila ya kuluwa kuyavwa wufwako, ngoboni kulunga kwalamwinanga muntu ku lufu.

³ Nyambi ya Ngula kuleha wakulunga ngayi afwe ku nzala ufwako, ngoboni bakuluwa uka bakwangisha kuwana ebye bakushinga.

⁴ Maboko a wuvwa aletanga wuncepwe, ngoboni maboko a kukalamana a kuhetesha.

⁵ Mwana wangana wakungulanga mbuto shikati sha kuteza, ngoboni mwana walangananga shikati sha kuteza waletanga lisheni.

⁶ Mfuywezi zili ha mutwe wa kulunga, ngoboni mukanwa ka wakuluwa mwafumanga wubi.

⁷ Bantu bakulunga bakanukiwa kwinga ngo mfuywezi, ngoboni lizina lya wakuluwa likaloba.

⁸ Muntu wangana ukutambula bya kumu shiwulula, ngoboni ou wabwayanga byowa ukaloba.

⁹ Muntu wa kupwisha ukwenda shiwahe, ngoboni ukutengamisha nyendelo yendi ukalimukiwa.

¹⁰ Ou wanyantizanga na liho lya wubi ukuleta wukalu, ngoboni ou wambanga bya kuyeba walilobeshanga.

¹¹ Kanwa ka wakulunga kenga kaheloke ka wumi, ngoboni mu kanwa ka wakuluwa mwafumanga mushunga.

¹² Nzimbo yatumizanga mangunga, ngoboni shishemo shafwikanga byabibi nimwabyo.

¹³ Mukanwa ka mukaku yuvwishisha mu kuwaniwa bya ngana, ngoboni lunyanzi balukamishanga ha mongo wa mukakubula ngana.

¹⁴ Bantu bangana bakowezanga kalimukisho, ngoboni kubwaya kwa shileya kwamu lobeshanga.

¹⁵ Wuheti wa muntu wenga shipata sha munzi wendi, ngoboni wuncepwe wa bantu wenga kuloba kwabo.

¹⁶ Ncuungu ya wakulunga wenga wumi, ngoboni ncuungu ya wakuluwa yenga ku shushuliwa.

¹⁷ Bantu bayuvwililanga oho ba kubabela bakayoya, ngoboni ba kukana ngayi banabipishi bali mu wukalu.

¹⁸ Ou waholekanga nzimbo wenga mu kakwongeza, kami mukakukwayanisha bya mahalo wenga shibulangana.

¹⁹ Ndi ukwamba mazu amengi, mu mazu obe mukwikala ebye uku bipisha, ngoboni shashiwahe kucincika hakwamba.

²⁰ Lulimi lwa wakulunga lunengi shiliva yayiwahe shikuma, mutima wa wakuluwa wenga wowa.

²¹ Kanwa ka wakulunga kayoyesha babengi, ngoboni bileya bafwanga ndaba ya kubula ngana.

²² Mfuywezi za Nyambi ya Ngula zikuhetesha, pe kulinyenga mu mutima ku kuyavwa kufwako.

²³ Kuli shileya kutenda wubi kunengi ngonehe mafuka, ngoboni muka ku yuvwishisha wawahililanga mu ngana.

²⁴ Ebye a kutina wakuluwa bikamwizilila, ngoboni ebye akushinga wakulunga bikapanikiwa kukwendi.

²⁵ Oho nkuli yikupita wakuluwa ukaloba, ngoboni wakulunga ukashuma mwaya myaka.

²⁶ Shinafweke ngonehe Vinenga yayishashu yikwinga muwewe ku mayewe na wishe ukushoshoma mu meho, nisho kami ekala muvwa ku nobo banamutumu.

²⁷ Kuyuvwila Nyambi ya Ngula bowa ku kutalihisha wumi, ngoboni myaka ya wakuluwa yikashepa.

²⁸ Kulumbeza kwa wakulunga, ku mamaninino kwaletanga kutangala, ngoboni eshe a kutatilila wakuluwa shikabipa.

²⁹ Nzila ya Nyambi ya Ngula yenga shipata ku muntu wakulunga, ngoboni yenga kuloba ku bakakutenda byabibi.

³⁰ Wakulunga afwako kukahenyeshiwa ha ndoba yendi, ngoboni mukawubi kukazika mu litunga wufwako.

³¹ Mukanwa ka wakulunga mwafumanga bya ngana, ngoboni lulimi lwa mahalo lukaketuliwa.

³² Bantu bakulunga bambanga bya ku fwanina, ngoboni bakuluwa bambanga bya kubula ku fwanina.