Yobo 17 - Libuka Lya Kuyela

Yobo ushili kutwalililaho Yobo

¹ Moyo wami unapopo, matena akuyoya kwami anaketukili, kowa shinashala kukwami, ndele tuhu shinzimbi.

² Mwa shikuma, bantu ba kunkumangiza, nikukomoka eshe bantu ba kunkumangiza.

³ Obe Nyambi, yinga mukakwimanina wami. Ndaba kowa ukutwesha kundama.

⁴ Unashinki byali byabo ngayi hinga bayuvwishisha, pe hinga ubaleha ngayi balishambe hahami.

⁵ Muntu ukubeba muhoni wendi ndaba ya mali, pe bana bendi bakayanda haneshe.

⁶ Nyambi wamfutulakale kwinga wakuhendiwa ku bantu, pe bakwiza na kumfwizila ku lupala.

⁷ Makando wami ananyingishi wushishitwa, lutu lwami nimwalwo lunananga ngonehe mumvulu.

⁸ Bakulunga banakomoko naneshe, pe nimwabo ba kumpana mulandu ngo nili wakubula wunyambi.

⁹ Hinge noho bakulunga bakazamina mu nzila yabo, bantu bakubula mulandu ba kutwalililaho ku shuma na ku shuma.

¹⁰ Ngoboni ndi nimwenu mukwiza na kwimana kumbili yami, nifwako kukawanaho hinge umo mukatikenu wakukeya.

¹¹ Matena wami anakumana, bifungo byami binakwangana, na kulumbeza kwami kunamana.

¹² Ngoboni bahoni bami bakwamba ngayi wushiku unengi mwaana, pe mukati ka mincimpwe bakwamba ngayi mwaana uli hahepi.

¹³ Shuma nikutatilila kuya mukalunga ka bafu, oku nikalangana mu mincimpwe.

¹⁴ Shizimbi nikashitoya ngayi niye tate, pe nikatoya mapila ngayi nibo bamawa na bampanzami.

¹⁵ Haya kulumbeza kwami kuli kuti? Yani haya enze akamone kulumbeza kwami?

¹⁶ Kulumbeza kwami kukaya na nami kufwako, oho nika kunkulukila mu kalunga ka bafu.