Nyimbo 95 - Libuka Lya Kuyela

Lwimbo lwa kuyemeza

¹ Yekenu, twimbilile Nyambi ya Ngula! Tutendenu miyoyo ya ku wahilila ku Limanya lya kupulukila kwetu!

² Twize ku meho wendi na kukambilila. Tutendenu miyoyo ya ku wahilila kukwendi na kwimbila nyimbo za kumuyemeza!

³ Ndaba Nyambi ya Ngula niye Nyambi wamunene, na Mwene wamunene hayilu ya banyambi nimwabo.

⁴ Ukulela hano hanci nimwaho, ku balika ku nceto ya manzolongoma a kunonka kukuma na ku mapili amatali shikuma.

⁵ Liwate lyenga lyendi, ndaba niye walitendele, maboko wendi atendele na lukandwa.

⁶ Yekenu, tushungumanenu na kumulemesha! Tushungumanenu ku meho a Nyambi ya Ngula, Shakalenga wetu!

⁷ Ndaba niye Nyambi yetu, etu tuli bantu bendi aba alamanga, na bambelele ba ku liboko lyendi. Lelo ndi mu kuyuvwa lizu lya Nyambi,

⁸ hinga mukaluhisha mitima yenu, ngonehe shiya batendele bankakazenu ku Melimba, ngonehe shiya bengile ha mutena uya mu libelelengwa lya Masha,

⁹ oko bankazenu banyakile mu shezeko na ku nyezeka, hinge ndi bamonene milimo yami eye natendele.

¹⁰ Mu myaka makumi anaa na pilaminine mukoka uyo, nambile ngayi, “Banengi bantu aba ba ku shanuka mu mitima yabo kufuma kukwami, ba ku kana kwombatala zinzila zami.”

¹¹ Na pilamine na kuli beza ngayi, “Bafwako ku kengina mu litunga elye na bakulupishile ngayi bakakatale.”