Nyimbo 82 - Libuka Lya Kuyela

Nyambi Kalela wamunene

Lwimbo lwa Ashafwi

¹ Nyambi ukwendesha shikungulukilo sha kuyilu, mu shikungulukilo uli na kuyata banyambi ngayi,

² “Mu ku fwanina ku shiya kuyata kwakubula kupwisha, kami hinga muyata wakuluwa na shihota.

³ Yatenu shiwahe byambo bya bancepwe na banginga, yimaninenu binafwanini bancepwe na bakakuyanda.

⁴ Lamwinenu bancepwe na bakakuyanda ku ngovu za bantu bakuluwa.”

⁵ Aba banyambi kowa eshe balimuka hinge ku yuvwishisha. Bakuya na kupapatila mu mincimpwe, kami mimbi ya hano hanci yikunyenkana.

⁶ Nambile ngayi, “Muli ba nyambi, Nimwenu mwenu mwenga muli bana ba Wakukangana.”

⁷ Ngoboni mukafwa ngo bantu, wumi wenu ukamana ngo wumi wa mwana mwene nimwendi.

⁸ Katuka, Obe Nyambi, uyate hano hanci, matunga nimwawo enga wobe.