Nyimbo 8 - Libuka Lya Kuyela

Wuwahe wa Nyambi na maleema a muntu

Ku mukakwimbilisha nyimbo. Kuya na kwimbila kwa Ngititi. Lwimbo lwa Ndavita

¹ Obe Nyambi ya Ngula, Mwene yetu, wunene wobe unaholoko mu kaye nimwamo! Unayaka wuwahe wobe hayilu ya mayilu.

² Mu tunwa twa batwanuke na bambututu bakwimbila nyimbo za kukuyemeza, ngayi umweneshe bamalamo bobe nimwabo na bakakukukanangana.

³ Oho nikupenza muyilu na ku mona mulimo wa maboko wobe, ngonda na nyenye ebye wayakilemo,

⁴ Kati muntu nengi yani ngayi uliyakateye? Hinge mwana muntu niye yani ngayi obe ulifulankane?

⁵ Ha shikati shashishe wa mu lengele ku nceto ya mangeloyi, u na mu vwaliki munana wawuwahe na maleema.

⁶ Wamuhatile kwinga kalela wa byuma nimwabyo ebye wa tendele, wa mu yakile hayilu ha bya ku lengiwa nimwabyo,

⁷ bambelele na zingombe na tuyamana twa lishaka,

⁸ na tuyoni tukutukatuka mu mbimbayilu na zinci za mu liwate, na nimwabyo byayowayowanga.

⁹ Obe Nyambi ya Ngula, Mwene yetu, wunene wobe unaholoko mu kaye nimwamo!