Nyimbo 75 - Libuka Lya Kuyela

Nyambi niye mukakuyata

Ku mukakwimbilisha nyimbo. Lwimbo lwa Ashafwi

¹ Tukukukambilila, Obe Nyambi! Tukukukambilila! Tukubilika lizina lyobe, na ku shimikila byuma bya kukomokesha unatende.

² Nyambi unamba ngayi, “Nahata shikati sha kuyata, pe nikayata mukupwisha.

³ Oho kaye kakunyenkana na bantu nimwabo bekalaho ba kukanka, nikashumisha mwimbi wako shikuma.

⁴ Nikatongweza bakuliyemeza ngayi hinga baliyemeza, na bakuluwa ngayi hinga balilundumika.

⁵ Nikabatongweza ngayi balehe ku likatula, na kuleha kwamba hinga banangula mikoshi.”

⁶ Ndaba kukona kaliha kwafumininanga ku mushamuko hinge ku mponci, hinge kufuma ku ncelele hinge ku mabukubuku.

⁷ Ngoboni Nyambi niye mukakuyata shiwahe. Wapananga mulandu ku bamo na kukatula bamina.

⁸ Nyambi ya Ngula unakwata nkomoki mu liboko lyendi, yinenzala na waine. Ukuyiyitila hanci, kami bakuluwa ba kuyinwa, nimwayo na kubula ku shiyamo twani.

⁹ Ngoboni nehi ami kukaleha kuyemeza nifwako hanebye unatende. Nikembila nyimbo za kumuyemeza Nyambi wa Yakobo.

¹⁰ Ukamanisha ngovu nimwazo za bakuluwa, ngoboni ngovu za bakulunga ukazinenehesha.