Nyimbo 7 - Libuka Lya Kuyela

Lilombelo lya kupwisha

Lwimbo lwa Ndavita olu embilile kuli Nyambi ya Ngula bya Kushi wa Kambenjamani.

¹ Obe Nyambi ya Ngula, Nyambi yami, mumwobe nimwo nikuholama. Ndamwine ku bamalamo nimwabo ba kuntanda. Mpulwishe,

² kutina bakantanya ngonehe shimbwi, na kuncanyozola kwakubula muntu ukutwesha kumpulwisha.

³ Nyambi ya Ngula, Nyambi yami, ndi na bipishili muntu wamina,

⁴ kubweshela wubi ndambo yami, hinge ndi kuyangula kamalamo wami ha kubula mulandu,

⁵ pe kamalamo wami antande na ku nkwata, ancendwile hanci na ku nziha, na ku nciya ngumbanga hinga nafwa.

⁶ Obe Nyambi ya Ngula, katuka na wukali Yimana ulwishe bamalamo bami aba banampilamini. Obe Nyambi yami, katuka unyavwe, Obe unemiki ngayi kupwisha kwikaleko.

⁷ Haya yitabilisha bantu nimwabo kukungulukila kukwobe, pe ubayate oho unekala ha litanda lyobe lya kuyilu.

⁸ Nyambi ya Ngula mukakuyata wa bantu nimwabo. Haya nyate, Obe Nyambi ya Ngula, mu kupwisha, ha kuwana ngayi mulandu nifwawo.

⁹ Manisha milimo ya bakuluwa, ngoboni pana ncuungu ku bakulunga. Obe wayatanga bihanganiko na mitima nimwayo, Obe Nyambi wakulunga.

¹⁰ Nyambi niye likebo lyami, wapulwishanga ba kuyela mu mitima.

¹¹ Nyambi niye mukakuyata wakulunga, kami wapilaminanga bakuluwa.

¹² Ndi muntu kutenguluka ufwako, Nyambi ukakumba mukwale wendi. Ukaliwahishila kunana shipando shendi sha mukunzi.

¹³ Nawahishi bilwisho byendi byabitwe, na ku shungika mivwi yendi ya kubanga na mundilo.

¹⁴ Mona, wakuluwa wahanganikanga byabibi bikati nimwabyo, milimo yendi ya kwongeza na kuyandisha baminendi.

¹⁵ Ngoboni mankwina ba kukabila baminabo ngayi bawilemo, banawilimo nibo bamwine.

¹⁶ Makuni a njamba, bya kulishingishila nibo bamwine, balileyekangamo na mishunga yabo.

¹⁷ Nikukambilila kuli Nyambi ya Ngula ndaba ya kulunga kwendi, nikembila nyimbo za kuyemeza lizina lya Nyambi ya Ngula, Wakukangana.