Nyimbo 56 - Libuka Lya Kuyela

Lilombelo lya kukulupila kuli Nyambi

Ku mukakwimbilisha. Lwimbo lwa Ndavita oho Bafwilishitina bamukwatile ku Ngati (1 Shamw 21:13-15)

¹ Obe Nyambi, nyamizize kuya na shishemo shobe, ndaba bantu ba kunyandisha, bamalamo bami ba kundwisha shikati nimwasho.

² Bamalamo bami ba kunkabakanisha shikati nimwasho, ndaba babengi ba kundwisha na kuliyemeza.

³ Oho nikuyuvwa bowa, nikukulupila mumwobe.

⁴ Nikukulupila kuli Nyambi, kami kukatina nifwako. Nikumuyemeza kunebye anakulupishi. Muntu wowa ukutwesha kuntenda bishini?

⁵ Matena nimwawo bamalamo bami ba kunyandisha, bihanganiko byabo nimwabyo bya kuyongola mwakundemekela.

⁶ Bakukungulukila hamo na kumbelamina, ba kupenzeshesha nyendelo yami ngayi banzihe.

⁷ Obe Nyambi, bashushule ndaba ya wubi wabo, bakome mu wukali wobe.

⁸ Ukulimuka eshe nikuyandishiwa, kami ulimuka kuvula kwa mihozi yami. Kati mu libuka lyobe ku tikitiwamo ebye bifwako ndi?

⁹ Bamalamo bami bakashintululiwa, ha mutena nikehana kukwobe, ndaba nikulimuka ngayi Nyambi unanyimanini.

¹⁰ Nikuyemeza Nyambi ndaba ya mazu wendi. Nikuyemeza kunebye anakulupishi.

¹¹ Nikukulupila kuli Nyambi, kami kukatina nifwako. Muntu wowa ukutwesha kuntenda bishini?

¹² Obe Nyambi, kukwobe nafwanina kutenda ebye nalibeze. Nikakupanika ntupu yami ya kukambilila.

¹³ Unalamwini moyo wami ku lufu na mawulu wami kukupukazala, ngayi nitweshe kwendanga mu mwaana uya ukumunikila ha babomi.