Nyimbo 54 - Libuka Lya Kuyela

Lilombelo lya kunyepa kulamiwa ku bamalamo

Ku mukakwimbilisha. Lwimbo lwa Ndavita, oho baka Zifu bayile kuli mwene Shaulu na kumutongweza ngayi, “Ndavita unaliholeke netu.”

¹ Obe Nyambi, mpulwishe na lizina lyobe, ncambishe na ngovu zobe.

² Obe Nyambi, yuvwa lilombelo lyami, yuvwilila ku mazu ami.

³ Ndaba bakakuliyemeza bali na kundwisha, bantu banguma aba babula kutina Nyambi, bakushinga wumi wami.

⁴ Monenu, Nyambi niye mukakunyavwa. Mwene yami niye mukakulama wumi wami.

⁵ Nyambi ukabweshela bamalamo bami byabibi. Ukabalobeshe, ndaba ya kwoloka kwobe.

⁶ Obe Nyambi ya Ngula, nikatupula nkombela na kutangala, nikayemeza lizina lyobe, ndaba ngayi uli wamuwahe.

⁷ Unandamwini ku makando wami nimwawo, kami nawahilili ha kukomiwa kwa bamalamo bami.