Nyimbo 47 - Libuka Lya Kuyela

Kalela Wamunene

Ku mukakwimbilisha nyimbo. Lwimbo lwa bana ba Kola

¹ Kambililenu enu bakamatunga nimwawo. Yemezenu Nyambi na kuwulumwina tunkelenkele.

² Ndaba Nyambi ya Ngula, ou Wakukangana, wakukomokesha, Mwene Wamunene, hano hanci nimwaho.

³ Watufwomwene matunga, na kuwayaka ku nceto ya mawulu wetu.

⁴ Watuhatilile likona ha kuliyemezela hali bantu ba Yakobo, aba ahaka.

⁵ Nyambi nayi kuyilu ku litanda lyendi. Oku kuli kuwulumwina kwa tunkelenkele, na mungunina wa zimpandula.

⁶ Yimbilenu nyimbo za kuyemeza Nyambi, yimbilenu nyimbo za kuyemeza. Yimbilenu nyimbo za kuyemeza mwene yetu, yimbilenu nyimbo za kuyemeza.

⁷ Nyambi niye mwene wa hano hanci nimwaho, muyemezenu na nyimbo.

⁸ Nyambi nekala ha litanda lyendi lya kuyela, ukulela matunga.

⁹ Batulela ba matunga banakunguluku hamo, na bantu ba Nyambi wa Abulahama. Ndaba bamyene nimwabo ba hano hanci banengi ba Nyambi, niye ukulela nimwabyo.