Nyimbo 43 - Libuka Lya Kuyela

Lilombelo lya muntu uli mu wuntapwa

¹ Obe Nyambi, ncambishe ngayi ninge wakubula mulandu, yimanina shambo shami ku naba bakubula kwoloka aba ba kundwisha, ncobole ku ba mahalo naku bantu bababi.

² Obe Nyambi, mumwobe nimo nikuholama, kati shumangani unamfutamini? Kati shumangani niku fwanina kuya na kulila ndaba ya kuyandishiwa ku bamalamo bami?

³ Tuma liyeye na kupwisha kwobe, bintwaminine na kumbwesha ku Ziyoni, ku lipili lyobe lya kuyela, namu litala omu wekala.

⁴ Niho nikaya ku kaala ka Nyambi, niye kutangala kwami kwa kupitakana. Nikambeta kambuli kami na kukuyemeza na nyimbo, Obe Nyambi, Nyambi yami.

⁵ Obe moyo wami, kati shumangani uku mona malwa? Kati shumangani eshe ukulikekula nehe? Lumbeza muli Nyambi, ndaba nikamuyemeza kami, Mupulwishi na Nyambi yami.