Nyimbo 34 - Libuka Lya Kuyela

Kuyemeza wuwahe wa Nyambi

Lwimbo lwa Ndavita, oho alyongezele kupempela kuli Ambimeleki ou wamutandile, pe wayile (1 Sha 21:13-15)

¹ Nikayemezanga Nyambi ya Ngula bikati nimwabyo, nifwako kukaleha kumuyemeza.

² Moyo wami ukuliyemeza muli Nyambi ya Ngula, mwanga aba ba ku mona malwa bayuvweko pe batangale!

³ Shimikilenu hamo na nami wunene wa Nyambi ya Ngula, tokonoko tuyemezenu hamo lizina lyendi!

⁴ Nalombelele kuli Nyambi ya Ngula, pe niye wankumbwile, wandamwinine ku bowa wami nimwawo.

⁵ Bakuyandishiwa ba kupenza kukwendi pe ba ku wahilila, bafwako kami kukayuvwa lisheni.

⁶ Bakuyanda behanine kukwendi, Nyambi ya Ngula waba kumbwile, pe wabalamwinine ku makando wabo nimwawo.

⁷ Lingeloyi lya Nyambi ya Ngula likalama obo ba kumutina, pe ukabalamwina mu wukalu.

⁸ Shingishishenu Nyambi ya Ngula enu bamwine pe mu kuwana eshe awaha. Bali na mfuywezi aba ba kuholama mumwendi!

⁹ Tinenu Nyambi ya Ngula, enu bantu bendi ba kuyela nimwabo, obo ba kumwombatala kowa eshe bakatamwa.

¹⁰ Hinge bana babimbwi balambamanga na kulala na nzala, ngoboni obo bakwombatala Nyambi ya Ngula kutamwa shuma shashiwahe bafwako.

¹¹ Yekenu bana bami, kami nyuvwililenu! Nikamilongesha kutina Nyambi ya Ngula.

¹² Kati yani uku haka wumi, na ku shinga kwihala matena amengi na ku li kuwa byabiwahe?

¹³ Kanisha lulimi lwobe, kwambanga byabibi na kwongeza.

¹⁴ Fuma ku byabibi na kutenda byabiwahe, shinga ku mwena na mutima wobe nimwawo.

¹⁵ Meho a Nyambi ya Ngula akupenza ha bakulunga, kami wa yuvwililanga kuku lila kwabo.

¹⁶ Ngoboni kaliha wa shinga bakakutenda wubi, pe oho bakafwa bakavulamiwa shawangu.

¹⁷ Oho bakulunga ba kulila ngayi bayavwiwe, Nyambi ya Ngula ukubayuvwa, ukubalamwina ku makando wabo nimwawo.

¹⁸ Nyambi ya Ngula uli hahepi nanobo banakalikizi, ukulamwina obo banakalikizi.

¹⁹ Bantu bakulunga bayandanga shikuma, ngoboni Nyambi ya Ngula ukubalamwina ku makando nimwawo.

²⁰ Nyambi ya Ngula ukumukoweza shikuma, ku bifupa byendi kowa hinge shimo shikapokoka.

²¹ Wubi ukapitula bakuluwa, obo ba kuzimba bakulunga bakashushuliwa.

²² Nyambi ya Ngula ukukuliza bakamilimo bendi, obo ba kutinina kukwendi kukawaniwa na mulandu bafwako.