Nyimbo 3 - Libuka Lya Kuyela

Lilombelo lya lumenemene lya kunyepa kuyavwiwa

Lwimbo lwa Ndavita, oho atinine mwanendi Ambishalome

¹ Obe Nyambi ya Ngula, bamalamo bami banamvulili shikuma, babengi aba banankatukili na kundwisha.

² Bantu babengi bakwamba byaha wumi wami ngayi, “Nyambi yendi kumuyavwa ufwako.”

³ Ngoboni Obe Nyambi ya Ngula, uli likebo lyami ku malamo, obe wuwahe wami, wancumishanga mutima.

⁴ Nikulilila kuli Nyambi ya Ngula ngayi anyavwe, wankumbulanga ha lipili lyendi lya kuyela.

⁵ Nalangananga pe nayanga mutulo, natonanga kami ndaba Nyambi ya Ngula wandamanga.

⁶ Kutina nifwako hinge makulukazi likumi a bamalamo, aba bananzinguluku na kundwisha.

⁷ Nyambi ya Ngula, katuka wize, undamwine, Obe Nyambi yami. Bamalamo bami nimwabo una bakama zinkoni, bakuluwa nimwabo unababunkulu mayewe.

⁸ Kukona kwenga kwa Nyambi ya Ngula. Mwanga mfuywezi zobe zikale ha bantu bobe.