Nyimbo 26 - Libuka Lya Kuyela

Lilombelo lya muntu wamuwahe

Lwimbo lwa Ndavita

¹ Obe Nyambi ya Ngula, ncambishe, ngayi mulandu nifwawo, ndaba natendanga byabiwahe na kukulupili na kubula kutalyangila.

² Obe Nyambi ya Ngula, hengole kami nyezeke, ezeka mutima wami na ngana zami.

³ Ndaba kwoloka na shishemo sha mwaya myaka bikuntwaminina, kulunga kwobe kukantwaminina shikati nimwasho.

⁴ Kaliha nalifungilanga na bihulahuli byowa, hinge kwambola na bakakwongeza.

⁵ Nazimba kanzunga ka bantu bababi pe kukekala na bantu bakawubi nifwako.

⁶ Obe Nyambi ya Ngula, nayowele maboko wami ku monesha ngayi mulandu nifwawo, kami nikuya mu kulemesha ku kaala kobe.

⁷ Nikayimbila lwimbo lwa kukambilila, na ku shimikila milimo yobe nimwayo ya kukomokesha.

⁸ Obe Nyambi ya Ngula na haka Litala omu wekala, mu mwanya omu mwekalanga wuwahe wobe.

⁹ Hinga undobeshela kuma kumo na bakawubi, hinge kulobesha wumi wami kuma kumo na bakakuziha.

¹⁰ Bantu aba ba kutenda byabibi shikati nimwasho kami bonzelanga kupana lizika kanwa.

¹¹ Neheboni ami natendanga byakwoloka, nyuvwileko nceshe, kami ndamwine.

¹² Ami napuluku ku malamo nimwawo, nikayemeza Nyambi ya Ngula mu shikungulukilo sha bantu bendi.