Nyimbo 2 - Libuka Lya Kuyela

Mwene wakuhatiwa kuli Nyambi

¹ Kati shumangani matunga ali na bifungo bya kumfutulukila? Kati shumangani aba bantu bali na bihanganiko byowa?

² Bamyene zabo banamfutulukili, na batulela babo banakunguluku hamo na kulwisha Nyambi ya Ngula, na mwene ou awabishile.

³ Bakwamba nehe ngayi, “Tokonoko tufume mu kulela kwabo, tupohomokenu mu ngovu zabo.”

⁴ Nyambi ya Ngula ha litanda lyendi muyilu wahepanga, naku kumangiza bifungo byabo byowa.

⁵ Pe ukabapilamina naku ba shuza, na ku batinisha na wukali wendi.

⁶ Niye ukwamba ngayi, “Nashwanishi mwene yami ha Ziyoni, lipili lyami lya kuyela.”

⁷ Mwene ukwamba ngayi, “Nikabilika, eshe anatontololo Nyambi ya Ngula. Wambile kukwami ngayi, ‘Obe uli mwanami, mutena walelo nengakale Tatiyobe.

⁸ Nyepa kukwami, pe nika kupana matunga nimwawo kwinga likona lyobe, pe kaye nimwako kakenga wuheti wobe,

⁹ ukabalela na muwana wa shondo. Ukabancancola cancucancu ngonehe nyungu ya lima ya kubumba.’”

¹⁰ Haya enu bamyene, yuvwililenu eshe nikumibela, enu batulela ba hano hanci.

¹¹ Tendelenu milimo Nyambi ya Ngula na bowa,

¹² kankenu na kulamba kukwendi, ndelewa muka mupilamisha pe mukalobeshiwa, ndaba wukali wendi wabanganga na wangu. Bali na mfuywezi aba ba kuholama mumwendi.