Nyimbo 149 - Libuka Lya Kuyela

Lwimbo lwa kuyemeza

¹ Yemezenu Nyambi ya Ngula! Yimbililenu Nyambi ya Ngula lwimbo lwalupya, muyemezenu mu shikungulukilo sha bantu bendi bakwoloka!

² Mwanga Ishalela atangalale, ndaba ya Shakalenga wendi, bantu ba Ziyoni bawahilile, ndaba ya Mwene yabo!

³ Mwanga bayemeze lizina lyendi na ku shinda, mwanga bambete zingoma na tuncingili mu kumuyemeza!

⁴ Ndaba Nyambi ya Ngula uku wahilila na bantu bendi, wapanikanga ku bakakulilimbwilisha munana wakupuluka.

⁵ Mwanga bantu bakwoloka bawahilile ha kukoma kwabo, mwanga bembile na ku wahilila wushiku nimwawo.

⁶ Mwanga bawulumwine tunkelenkele oho bakulemesha Nyambi, na mikwale yayitwe mu maboko abo,

⁷ kubweshela ha matunga na kushushula mishobo ya bantu,

⁸ na ku manga bamyene zabo na mawenge, na babilolo babo mu bikulo bya byondo,

⁹ na kubayata ngonehi byatikitiwile hahabo! Awa niwo maleema a bantu ba Nyambi bakwoloka nimwabo. Yemezenu Nyambi ya Ngula!