Nyimbo 142 - Libuka Lya Kuyela

Lilombelo lya kushinga kuyavwiwa

Kulinyenga kwa Ndavita, lilombelo lyendi oho ekalile mu linzolongoma (1 Shamw 22:1, 24:3)

¹ Nikulilila na kubilikiza kuli Nyambi ya Ngula, nikulambilila kukwendi.

² Nikulinyenga kukwendi, na kumutongweza wukalu nimwawo.

³ Oho moyo wami ukupopa, niye ukulimuka nzila yami. Bamalamo banavwimi tuntamba, mu nzila omu nikwenda.

⁴ Oho nikupenza ku mbali yami, niku mona ngayi kowa ukutwesha kunyavwa, nifwawo matinino, kowa ukukobelela wumi wami.

⁵ Obe Nyambi ya Ngula, nikulambilila kukwobe, obe shiholamino shami. Obe likona lyami mu litunga lya babomi.

⁶ Yuvwililila kulila kwami, ndaba nayanda shikuma. Ndamwine ku bamalamo bami, ndaba banampitakana ku ngovu.

⁷ Mfumishe mu tolongo, mwanga nikayemezenga lizina lyobe mu shikungulukilo sha bantu bobe. Bakulunga bobe bakanzinguluka, ndaba ya wuwahe wobe kukwami.