Nyimbo 136 - Libuka Lya Kuyela

Kuyemeza na kukambilila

¹ Kambililenu kuli Nyambi ya Ngula, ndaba wamuwahe, ndaba shishemo shendi sha mwaya myaka.

² Kambililenu kuli Nyambi wa banyambi, ndaba shishemo shendi sha mwaya myaka.

³ Kambililenu kuli Mwene ya bamyene, ndaba shishemo shendi sha mwaya myaka.

⁴ Ninkayendi tuhu niye watendanga bikomokesho, ndaba shishemo shendi sha mwaya myaka.

⁵ Na ngana zendi watendele mayilu, ndaba shishemo shendi sha mwaya myaka.

⁶ Wazikile mwimbi wa hanci ha mampunga, ndaba shishemo shendi sha mwaya myaka.

⁷ Watendele mimuni yayinene yamu mbimbayilu, ndaba shishemo shendi sha mwaya myaka.

⁸ Waleteshele mutena kulela mwaana, ndaba shishemo shendi sha mwaya myaka.

⁹ Waleteshele ngonda na nyenye kulela wushiku, ndaba shishemo shendi sha mwaya myaka.

¹⁰ Niye wazihile bamyeli babalume ba Engepita, ndaba shishemo shendi sha mwaya myaka.

¹¹ Wafumishile Baishalela mukatikabo, ndaba shishemo shendi sha mwaya myaka,

¹² na nyala za liboko lyendi na mukoko wendi wa ngovu, ndaba shishemo shendi sha mwaya myaka.

¹³ Niye watapulwile Liwate lya Kufubila hakati, ndaba shishemo shendi sha mwaya myaka.

¹⁴ Niho apitishile Ishalela mukatikalyo, ndaba shishemo shendi sha mwaya myaka.

¹⁵ Ngoboni wakupwile Fwalo na banzita bendi mu Liwate lya Kufubila, ndaba shishemo shendi sha mwaya myaka.

¹⁶ Watwamininine bantu bendi mukati ka libelelengwa, ndaba shishemo shendi sha mwaya myaka.

¹⁷ Wazihile bamyene babanene, ndaba shishemo shendi sha mwaya myaka,

¹⁸ kami walobeshele bamyene bangovu, ndaba shishemo shendi sha mwaya myaka,

¹⁹ Shihoni, mwene wa Baamoli, ndaba shishemo shendi sha mwaya myaka,

²⁰ na Ongi, mwene waku Mbashani, ndaba shishemo shendi sha mwaya myaka.

²¹ Niho apanine matunga wabo kwinga likona, ndaba shishemo shendi sha mwaya myaka,

²² kwinga likona ku Ishalela, mukamulimo wendi, ndaba shishemo shendi sha mwaya myaka.

²³ Kaliha watuvulamine oho twakomiwile, ndaba shishemo shendi sha mwaya myaka.

²⁴ Watulamwinine ku bamalamo betu, ndaba shishemo shendi sha mwaya myaka.

²⁵ Wapananga byakulya ku bya kuyoya nimwabyo, ndaba shishemo shendi sha mwaya myaka.

²⁶ Kambililenu kuli Nyambi wa muyilu, ndaba shishemo shendi sha mwaya myaka.