Nyimbo 130 - Libuka Lya Kuyela

Lilombelo lya kushinga kuyavwiwa

Lwimbo lwa ha kukankalala ku Yelushalema

¹ Obe Nyambi ya Ngula, mu mampunga a wukalu amanene nikulilila kukwobe.

² Obe Mwene, Yuvwa lizu lyami, tengeka matu obe ku lizu lya kulambilila kwami.

³ Obe Nyambi ya Ngula, shinga wenga wa nkoko ku wubi wetu, shinga yani ukatwesha kupanza na kubula kuyatiwa?

⁴ Ngoboni wenga mukakuyatila, nohobene ngayi mwanga tukutinenga.

⁵ Nikutatilila na lunzewe kuyavwa kwa Nyambi ya Ngula, kami nikulumbeza mu lizu lyendi.

⁶ Moyo wami ukutatilila Nyambi ya Ngula, kupitakana bakakulama ba kutatilila lumenemene, nikwamba ngayi, kupitakana bakakulama ba kutatilila lumenemene.

⁷ Obe Ishalela, kulupila Nyambi ya Ngula, ndaba shishemo shendi sha mwaya myaka, kami kukuliza kuli mumwendi.

⁸ Pe ukakuliza Ishalela ku wubi wendi nimwawo.