Nyimbo 129 - Libuka Lya Kuyela

Lilombelo lya kulwisha bamalamo Baishalela

Lwimbo lwa ha kukankalala ku Yelushalema

¹ Ishalela ambe eshe bamuyandishilenga bamalamo bendi ngayi, “Bamalamo banyandishilenga shikuma ku balika kuwanuke wami,

² mwa shikuma, bamalamo bami banyandishilenga ku balika kuwanuke wami, ngoboni kaliha bankonenekele.

³ Ha kuzipola bantabwezele mu mongo, naku hutozola kwinga mizila ngo mfuba ya mancenda.

⁴ Nyambi ya Ngula, niye wakulunga, unamvutozolo nyimbwa za bakuluwa.”

⁵ Bantu nimwabo aba bazimba Ziyoni mwanga bakomiwe na kutandiwa.

⁶ Mwanga bafweke ngonehe mwila unamene habihoke, ou walebukanga oho shilolo ukule,

⁷ ou wakubula kutwesha kwinzala mu liboko lya mukakuteza, hinge mukakumanga mihwa na kuyiyaka mu nkwapa yendi.

⁸ Mwanga obo bakapitako hinga bakamba ngayi, “Mfuywezi za Nyambi ya Ngula zikale hahenu. Tukumitandalisha mu lizina lya Nyambi ya Ngula.”