Nyimbo 128 - Libuka Lya Kuyela

Ncuungu ya kwombatala Nyambi ya Ngula

Lwimbo lwa ha kukankala ku Yelushalema

¹ Bali na mfuywezi bantu nimwabo ba kutina Nyambi ya Ngula, obo bakwenda mu zinzila zendi.

² Ukalya mikabo ya milimo ya maboko wobe, ukawahilila pe shikenga sha shiwahe kukwobe.

³ Mukazobe ukafweka ngo mukolobozi wa shinyanca wayimanga shikuma mu litala lyobe, kami bana bobe babalume banazinguluku tebulu yobe, bakafweka ngo zintombola za mutondo wa olive.

⁴ Mona, nisho ali na muntu wakutina Nyambi ya Ngula, mwa shikuma ukawana mfuywezi.

⁵ Nyambi ya Ngula mwanga akufuywele kufuma mu Ziyoni, mu matena akuyoya kwobe nimwako. Mwanga umone kutangama kwa Yelushalema.

⁶ Mwanga uyoyenga yoyee ukamone bazukulyobe. Ku mwena kwikale ha Ishalela.