Nyimbo 126 - Libuka Lya Kuyela

Lilombelo lya kushinga kulamwiniwa

Lwimbo lwa kukankalala ku Yelushalema

¹ Nyambi ya Ngula oho abweshele bantapwa ku Ziyoni, kwengile ngo kulota.

² Tunwa twetu twenzalile na mahepo, zindimi zetu za wulumwinine tunkelenkele twa ku wahilila. Niho matunga amina ambile hahetu ngayi, “Nyambi ya Ngula unabatendele byuma byabinene.”

³ Mwa shikuma Nyambi ya Ngula, watutendelele byuma byabinene pe twatangalala.

⁴ Obe Nyambi ya Ngula, tubweshele ku shoboloka kwetu kami, ngonehe mema ayitanga mu libelelengwa.

⁵ Obo ba kubilenga mbuto yabo hibalila, bakateze na kuwulumwina tunkelenkele twa ku wahilila.

⁶ Obo bashimbile mbuto ya kukuba hibaya na kulila, bakaboka na kuwulumwina tunkelenkele twa ku wahilila, hinga bashimba mihwa ya byakulya.