Nyimbo 124 - Libuka Lya Kuyela

Nyambi mukakulama bantu bendi

Lwimbo lwa Ndavita ha kukankala ku Yelushalema

¹ Nyambi ya Ngula shinga kaliha wekalile ku mbalila yetu, Pe Ishalela ambe ngayi,

² “Nyambi ya Ngula shinga kaliha wekalile ku mbalila yetu, oho bamalamo betu batulwishile,

³ shinga batuminine hituyoya, oho bezile kukwetu na wukali.

⁴ Shinga libazi lyatukupwile, shinga lyapitile ha mitwe yetu ngo nkunkula ya mushinzi,

⁵ na kutukupula ngo mankanyi amanene.”

⁶ Tuyemezenu Nyambi ya Ngula, ou wabulile kwitabilisha bamalamo betu ngayi batutabozole.

⁷ Tunapanza ngo kayoni ka mu kanyimbwa ku mukakumanyika, kanyimbwa kanavutuku, pe tunapanza!

⁸ Kuyavwiwa kwetu kukufuma kuli Nyambi ya Ngula, ou walengele liyilu na hanci.