Nyimbo 120 - Libuka Lya Kuyela

Lilombelo lya kushinga kulamwiniwa ku bakakwongeza

Lwimbo lwa kukankalala ku Yelushalema

¹ Oho nekalile mu makando, nalililile kuli Nyambi ya Ngula, pe wankumbwile.

² Obe Nyambi ya Ngula, mpulwishe, ku bakakwongeza na ba mahalo.

³ Enu ba mahalo, kati Nyambi ukamitenda nahiti? Kati ukamishushula nahiti?

⁴ Ukamishushula na mivwi yayitwe ya kanzita, na mashanga a kuyekula a mundilo.

⁵ Makando wami tawee, ndaba nikwikala ku nzonzomana, mukati ka minkungwa ya Kenda na Mesheki.

⁶ Ninekala shikati shashitali mukati ka bantu bazimba ku mwena.

⁷ Ami nashinga ku mwena, ngoboni oho nikwamba bya ku mwena, nibo bakushinga nzita.