Nyimbo 112 - Libuka Lya Kuyela

Ku wahilila kwa muntu wamuwahe

¹ Nyambi ya Ngula ayemeziwe. Uli na mfuywezi muntu ou ukutina Nyambi ya Ngula, uku wahilila shikuma mu kwombatala ndayano zendi.

² Bana ba nou muntu bakenga ba kufuyweliwa. Bazukulyendi bakekala na ngovu hano hanci.

³ Lupashi lwendi lukekala na wuheti na ntutu shikuma, pe kulunga kwendi kukekala mwaya myaka.

⁴ Hinge mu mincimpwe lumuni lukumunikila bakwoloka, bantu obo ba shishemo na nceshe na kulunga.

⁵ Bali na mfuywezi bantu ba shishemo na kupana mikuli, aba bakwendesha milimo yabo mu kupwisha.

⁶ Bantu bakulunga kukatalangila bafwako, bakanukiwanga mwaya myaka.

⁷ Kukatina bafwako ndi ba kutambula ncango zazibi, kami mitima yabo yinashumu pe banakulupili muli Nyambi ya Ngula.

⁸ Kulikekula hinge kutina bafwako, hantu banamono bamalamo babo banakomiwi.

⁹ Bakupanzanisha na kupana byuma byabo ku bancepwe, nceshe zabo zikekala mwaya myaka, ngovu zabo zikenga za mpupo na maleema.

¹⁰ Bakuluwa bakashimona eshe pe bakapilama, bakalikekenya ku mayewe na kumana, bifungo bya bakuluwa bikaloba.