Nyimbo 110 - Libuka Lya Kuyela

Mwene analihatili Nyambi ya Ngula

Lwimbo lwa Ndavita.

¹ Nyambi ya Ngula wambile kuli Mwene yami ngayi, “Yikala ku liboko lyami lya shilyo, hantu nafutulu bamalamo bobe kwinga shipona sha kulyata mawulu wobe.”

² Nyambi ya Ngula ukanenehesha ngovu za wene wobe kufuma mu Ziyoni. Ukamba ngayi, “Ulele mukati kabamalamo bobe.”

³ Bantu bobe bakalitupula nibo bamwine mu kushoboloka, ha mutena uyo ukamonesha ngovu zobe ha lipili lya kuyela. Bandumbana bobe bakeza kukwobe mu wingi wabo, ngonehe mume wa lumenemene.

⁴ Nyambi ya Ngula walibezele, kami kukafutula bihanganiko byendi ufwako, “Uli mukankombela mwaya myaka ngonehe shiheka sha Melukezendeki.”

⁵ Mwene uli kumbalila ya shilyo shobe, oho akapilama, ukacancola bamyene.

⁶ Ukayata na kuketula byambo mukati ka mikoka, pe hanci nimwaho ha kenzala na mituntu ya bantu ba kufwa, ukakoma bamyene ba hano hanci nimwaho.

⁷ Mwene ukanwa mema amu kashinzi ka kunkumo ya nzila, ukashumishiwa, pe ukemana na kukoma.