Nyimbo 11 - Libuka Lya Kuyela

Kukulupila muli Nyambi ya Ngula

Ku mukakwimbilisha nyimbo. Lwimbo lwa Ndavita

¹ Muli Nyambi ya Ngula nimo nikuholama, haya mukwamba nahiti kukwami ngayi, “Tinina ku mapili ngonehi kayoni,

² bakuluwa bananana bipando byabo bya mukunzi, na ku shungika mivwi yabo, ngayi bapuhe bantu bakwoloka mu mincimpwe.

³ Muntu wakulunga ukutwesha kutenda bishini, ndi byuma nimwabyo bikubipa?”

⁴ Nyambi ya Ngula uli mu litala lyendi lya kuyela, litanda lya Nyambi ya Ngula lili muyilu. Wapenznga ha bantu nimwabo, meho wendi akubahengola.

⁵ Nyambi ya Ngula ukuhengola bakulunga na bakuluwa, ngoboni moyo wendi wazimba bahaka mishunga.

⁶ Ukayitila mashanga a mundilo na muhenga ha bakuluwa. Ukabashushula na mpepo yayinene ya kutukuma.

⁷ Ndaba Nyambi ya Ngula wakulunga, pe wahaka ntendelo ya kulunga, bantu bakwoloka bakamona lupala lwendi.