Nehemiya 7 - Libuka Lya Kuyela

¹ Pe oho kembi katendululiwakale, kami bihala nimwabyo byayakiwakale mu myanya yabyo, bakakulama Litala lya Nyambi na litanga lya bakakwimbila na Balevi, nimwabo bayakiwile ha mulimo.

² Niho nayakile bantu babili kwinga bakulwane bakakulama lukena lwa Yelushalema, bengile mukonzo wami Hanani, hamo na Ananiya shilolo wa mukulwane wa banzita waku shipata. Hananiya wengile muntu wakwoloka kami wakutina Nyambi. Kowa wezekele nendi.

³ Nabatongwezele ngayi hinga ba shinkulula mapangati amu Yelushalema ku lumenemene shikuma hantu mutena watatumukakale, oho bakakulama ku mapangati shilolo bafume ku milimo, oho mutena shilolo ulele shikuma, bakawashinke na kuwapata. Kami na batongwezele ngayi bayake bakakulama ku bantu bayo bekalilenga mu Yelushalema na kupanikaho bantu bamo kwinga bakakulama na bamina ku zinguluka mbalila ya hahepi na matala wabo.

Muhoko wa bantu bafumine mu wuntapwa

⁴ Yelushalema lwengile lukena lwalunene, kaliha mwekalile bantu babengi, pe kami matala amengi abulile kutendiwa.

⁵ Nyambi wampanikile bihanganiko bya kukungula bantu na bakakutwaminina babo na babilolo na kubatikita mu mabuka ngonehe mu mapashi abo. Nawanine libuka lya noho batatikile kufuma mu wuntapwa, ano niwo mazu nawaninemo.

⁶ Wingi wa bantapwa bashiyile Mbambiloni na kuboka ku Yelushalema mu litunga lya Yunda, muntu na muntu wabokele ku munzi wendi. Mapashi abo ekalilenga mu Mbambiloni ku balika oho abakwatile Mwene Nembukandineza kwinga bantapwa.

⁷ Bakakutwaminina bengile Zelumbambelu na Yoshuwa na Nehemiya, Azaliya na Layamiya na Nahamani na Mondikayi na Mbilishani na Mishipaleta na Mbingibayi na Nehumi na Mbaana. Owe niwo muhoko wa mazina atikitiwile mu mavumo a Ishalela na wingi wa noho balubukile kufuma mu wuntapwa.

⁸ Ku livumo lya Paloshi kwalubukile bantu 2,172.

⁹ Ku livumo lya Shefwatiya kwalubukile bantu 372.

¹⁰ Ku livumo lya Alahi kwalubukile bantu 652.

¹¹ Ku livumo lya Pahati Mowambi, bazukulya Yeshuwa na Yowambu kwalubukile bantu 2,818.

¹² Ku livumo lya Elamu kwalubukile bantu 1,254.

¹³ Ku livumo lya Zatu kwalubukile bantu 845.

¹⁴ Ku livumo lya Zakayi kwalubukile bantu 760.

¹⁵ Ku livumo lya Mbinuyi kwalubukile bantu 648.

¹⁶ Ku livumo lya Mbembayi kwalubukile bantu 628.

¹⁷ Ku livumo lya Azingandi kwalubukile bantu 2,322.

¹⁸ Ku livumo lya Andonikama kwalubukile bantu 667.

¹⁹ Ku livumo lya Mbingibayi kwalubukile bantu 2,067.

²⁰ Ku livumo lya Andini kwalubukile bantu 655.

²¹ Ku livumo lya Atali ou kami watumbiwile ngayi Hezekiya kwalubukile bantu 98.

²² Ku livumo lya Hashumi kwalubukile bantu 328.

²³ Ku livumo lya Mbezayi kwalubukile bantu 324.

²⁴ Ku livumo lya Halifwa kwalubukile bantu 112.

²⁵ Ku livumo lya Ngimbiyoni kwalubukile bantu 95.

²⁶ Ku bantu obo bekalile na bankakazabo bazikilenga mu minzi eye, kami balubukile na baminabo bengile aba, lukena lwa Mbetelehema na munzi wa Netofwa, kwalubukile bantu 188.

²⁷ Ku munzi wa Anatoti kwalubukile bantu 128.

²⁸ Ku munzi wa Mbeti Azimabeti kwalubukile bantu 42.

²⁹ Ku minzi ya Kiliyati Yeyalima na Kefwila na Mbeloti kwalubukile bantu 743.

³⁰ Ku minzi ya Lama na Ngemba kwalubukile bantu 621.

³¹ Ku munzi wa Mikemashi kwalubukile bantu 122.

³² Ku minzi ya Mbetele na Ayi kwalubukile bantu 123.

³³ Ku munzi wamina wa Nembo kwalubukile bantu 52.

³⁴ Ku munzi wamina wa Elamu kwalubukile bantu 1,254.

³⁵ Ku munzi wa Halimu kwalubukile bantu 320.

³⁶ Ku lukena lwa Yeliko kwalubukile bantu 345.

³⁷ Ku minzi ya Londi na Handinda na Ono, kwalubukile bantu 721.

³⁸ Ku munzi wa Shenaa kwalubukile bantu 3,930.

³⁹ Owe niwo muhoko wa mazina a mavumo a bakankombela aba balubukile mu wuntapwa, ku livumo lya Yendaya Yeshuwa kwalubukile bantu 973.

⁴⁰ Ku livumo lya Imele kwalubukile bantu 1,052.

⁴¹ Ku livumo lya Pashiha kwalubukile bantu 1,247.

⁴² Ku livumo lya Halimu kwalubukile bantu 1,017.

⁴³ Owe niwo muhoko wa mavumo a Balevi balubukile kufuma mu wuntapwa ku livumo lya Yeshuwa na Kandimiyele bazukulya Hondaba kwalubukile bantu 74.

⁴⁴ Bakakwimbila mu Litala lya Nyambi, bazukulya Ashafwi, kwalubukile bantu 148.

⁴⁵ Bakakulama mapangati, bazukulya Shalumu na Atali na Talimoni na Akumbu na Hatita na Shombayi, kwalubukile bantu 138. Owe niwo muhoko wa mazina a mavumo a bakakutenda mulimo mu Litala lya Nyambi, aba balubukile kufuma mu wuntapwa.

⁴⁶ Bengile ba mu mavumo a Ziha na Hashufwa na Tambayoti,

⁴⁷ na Keloshi na Shiya na Pandoni,

⁴⁸ na Lembana na Hangamba na Shalimayi,

⁴⁹ na Hananu na Ngindela na Ngaha,

⁵⁰ Leyiya na Lezina na Nekonda,

⁵¹ na Ngazamu na Uza na Pasheya,

⁵² na Mbeshayi na Meunimu na Nefwishime,

⁵³ na Mbakimbuki na Hakufa na Halihu,

⁵⁴ na Mbaziluti na Mehinda na Halisha,

⁵⁵ na Mbalikoshi na Shishela na Tema,

⁵⁶ na Neziya na Hatifwa.

⁵⁷ Mavumo a baya bengile bakamilimo ba Sholomoni, aba balubukile kufuma mu wuntapwa, bengile Shotayi na Shofwileti na Pelinda,

⁵⁸ na Yaala na Ndakoni na Ngindela,

⁵⁹ na Shefwatiya na Hatila na Pokeleti Hazembayima na Amoni.

⁶⁰ Wingi wa muhoko wa bazukulya bantu baya batendelenga milimo ya Litala lya Nyambi na baya bengile bakamilimo ba Sholomoni aba balubukile kufuma mu wuntapwa hamo bengile 392.

⁶¹ Owo niwo muhoko wa mazina a bantu balubukile kufuma mu wuntapwa ba ku minzi ya Telu Mela na Telu Hasha na Kelumbi na Andoni na Ima. Ngoboni nibo kaliha batweshele kulimukiwa ngayi benga bazukulya Baishalela.

⁶² Baku mavumo a Ndelaya na Tombiya na Nekonda bengile bantu 642 aba balubukile.

⁶³ Kami ku mavumo a bakankombela bengile ba Hambaya na Hakozi na Mbazilayi, ou Mbazilayi watumbiwile na lizina elye ndaba wayekele mwana Mbazilayi waku Ngiliyande niho bamwihanishilenga na lizina lya bamukowendi.

⁶⁴ Aba bantu ba bashingashingile mu mabuka ngoboni bakwangile kulubulula mavumo oku kwafumine bankakazabo, pe kaliha babatambwile kwinga bakankombela, bengile ngo balibipishile.

⁶⁵ Kalela wa Bayunda wabatongwezele ngayi nibo kutwesha kulya byakulya biya binakombeleliwi kuli Nyambi bafwako hantu noho kukekala mukulwane wa bakankombela nimwabo ou ukatwesha ku shebezesha Ulimu na Tumimi.

⁶⁶ Wingi wa bantapwa aba balubukile bengile 42,360.

⁶⁷ Bakamilimo babo babalume naba bambuyama bengile 7,337. Bakakwimbila babalume naba bambuyama bengile 245.

⁶⁸ Bambishi bengile 736 na mambema bengile 245,

⁶⁹ bakamela bengile 435, bambongolo bengile 6,720.

⁷⁰ Bantu babengi, bapanine ntupu ya kuyavwa ku mulimo waku tendulula Litala lya Nyambi. Kalela wapanine wulemu wa ngolinde wa makilo 8 na zindonga za ku kunama za kuliyavwisha ku Litala lya Nyambi 50 na 530 bivwalo bya bakankombela.

⁷¹ Bakulwane bamu mavumo bapanine wulemu wa ngolinde makilo 168 na wa shiliva makilo 1,250.

⁷² Pe wingi wa bantu nimwabo bapanine makilo 168 a wulemu wa ngolinde na wa shiliva makilo 1,140, hamo na bivwalo bya bakankombela 67.

⁷³ Bakankombela na Balevi na bakakulama Litala lya Nyambi na bakakwimbila na bantu bowa babengi, hamo na bakakutenda mulimo wa Litala lya Nyambi na Baishalela nimwabo, bazikile mu minzi yabo namu zinkena zamu Yunda. Oho ngonda wa mutanu na zibili atelamine, bantu ba Ishalela nimwabo oho bekalakale mu minzi yabo.