Nehemiya 3 - Libuka Lya Kuyela

Kutenduliwa kwa Kembi ka Yelushalema

¹ Eshe nisho batendulwile kembi ka lukena. Eliyashimbu, Mukulwane wa bakankombela nimwabo na bawushinda wendi bakankombela batendulwile Lipangati lya Bambelele, pe balifungwile na kuyaka bihala mu mwanya wabyo. Batendulwile kembi kukakuma naku Kapeshi kaba Mwanda naku Kapeshi ka Hananela.

² Bantu ba ku Yeliko batendele mbalila ya kulundaminako, pe Zakula mwana Imuli watendulwile mbalila ya kulunduminako.

³ Ba mu livumo lya Hashenaa nibo batendele Lipangati lya Zinci. Bayakile bikwiliti na bihala mu mwanya wabyo, pe bayakile milomboti na tupatisho twakupatisha Lipangati.

⁴ Melemoti mwana Uliya muzukulya Hakozi watendele mbalila ya ku lundaminako. Meshulama mwana Mbelekiya muzukulya Meshezambela niye watendele mbalila ya ku lundaminako. Zandoki mwana Mbaana niye watendele kami mbalila ya ku lundaminako.

⁵ Balume ba lukena lwa Tekoya nibo batendulwile mbalila ya ku lundaminako. Ngoboni bakakutwaminina bantu ba ku munzi uyo babulile kuyaka mitima yabo ku mulimo uyo bapanikiwile ku bakulwane bakakwendesha mulimo.

⁶ Pe Yoyiyanda mwana Pasheya na Meshulama mwana Mbeshondeya nibo batendulwile Lipangati lya Yeshana. Bayakile bikwiliti na bihala mu myanya yabyo, pe bayakile milomboti na tupatisho twa kupatisha Lipangati.

⁷ Melatiya waku Ngimbiyoni na Yandoni waku Melonoti na bantu bamu zinkena za ku Ngimbiyoni naku Mizipa batendele mbalila ya ku lundaminako kuka kumisha naku litala lya kalela waku mponci ya Yufuleti.

⁸ Mfuzi wa ngolinde Uziyelu mwana Halihaya, niye watendulwile mbalila ya ku lundaminako. Hananiya, mukakuyengula mazi a lukumba, watendulwile Yelushalema mbalila ya ku lundaminako kuka kumisha naku Limota Lyalinene.

⁹ Lefwaya mwana Hula, niye wengile kalela wa shitika sha Mbalila ya Yelushalema, niye watendele kami mbalila ya ku lundaminako.

¹⁰ Yendaya mwana Halumafwa niye watendulwile mbalila ya ku lundaminako, eye yekalile kwakwipi na litala lyendi. Hatushi mwana Hashambineya niye kami watendulwile mbalila ya ku lundaminako.

¹¹ Malikiya mwana Halimu na Hashumbu mwana Pahati Mowambi nibo batendulwile mbalila ya ku lundaminako na Kapeshi ka Bivulu.

¹² Shalumu mwana Haloheshi, ou wengile kalela wa shitika shamina sha mbalila ya Yelushalema, niye watendulwile mbalila ya ku lundaminako hamo na bana bendi ba bambuyama.

¹³ Hanuni na ba lukena lwa Zanowa nibo batendulwile Lipangati lya ku Mukulo. Bayakile bikwiliti na bihala mu mwanya wabyo na ku yakako milomboti na tupatisho twa kupatisha lipangati. Niho kami batendulula kembi ka wutali wa mamita 440 kami kukakuma naku Lipangati lya ku Lilala.

¹⁴ Malikiya mwana Lekambu, ou wengile kalela wa mbalila ya Mbeti Hakilemu, niye watendulwile Lipangati lya ku Lilala. Wayakile bihala ku mwanya wabyo na ku yakako milomboti na tupatisho twa kupatisha lipangati.

¹⁵ Shaluma mwana Koluhoze kalela wa mbalila ya Mizipa, niye watendulwile Lipangati lya ku Kaheloke. Wazikile hayilu ya shipana sha lipangati, pe wayakile bihala ku mwanya wabyo, wayakileko milomboti na tupatisho. Ku Liziba lya Shilo watendele kembi kakulundamina ku Mfuba ya Mwene, kukakuma na ku tukandamisho twa kukunkuluka ha kufuma ku Lukena lwa Ndavita.

¹⁶ Nehemiya mwana Azimbuki kalela wa mbalila ya litunga lya Mbeti Zula, niye watendulwile mbalila ya ku lundaminako, kukakuma naku binzimbi bya lupashi lwa Ndavita naku liziba lya ku li tendela naku bipata bya banzita.

Balevi obo batendele ku kembi

¹⁷ Balevi obo nibo batendulwile zimbalila zimo za kembi za ku lundaminako, bengile ba ku lupashi lwa Lehumi. Lehumi mwana Mbani niye watendulwile mbalila ya ku lundaminako. Hashambiya, kalela wa mbalila ya litunga lya Keyila, niye watendulwile mbalila ya ku lundaminako mukwimanina mbalila ya litunga lyendi.

¹⁸ Mbabayi mwana Henandandi wengile kalela wa mbalila yamina ya litunga lya Keyila, niye watendulwile mbalila ya ku lundaminako.

¹⁹ Eza mwana Yeshuwa, wengile kalela waku Mizipa, niye watendulwile mbalila ya ku lundaminako yekalile hambili ya litala lya kukongela bilwisho, wakakumishilile ku mwanya oku kakontamina kembi.

²⁰ Mbaluki mwana Zakayi niye watendulwile mbalila ya ku lundaminako, wakakumishilile ku menginino a litala lya Eliyashimbu Mukulwane wa bakankombela nimwabo.

²¹ Melemoti mwana Uliya muzukulya Hakozi, niye watendulwile mbalila ya ku lundaminako kukakuma na kunkumo ya litala lya Eliyashimbu.

Bakankombela aba batendele ku mulimo wa kembi

²² Bakankombela aba nibo batendulwile zimbalila zimo za kembi za ku lundaminako. Bakankombela bamu wande wa hahepi na Yelushalema batendulwile mbalila ya ku lundaminako.

²³ Mbenjamani na Hashumbu nibo batendulwile mbalila ya ku lundaminako, eye yekalile kumbili ya matala wabo. Azaliya mwana Maasheya muzukulya Ananiya, niye watendulwile mbalila ya ku lundaminako, eye yekalile kumbili ya litala lyendi.

²⁴ Mbinuyi mwana Henandandi niye watendulwile mbalila ya ku lundaminako, ku balika ku litala lya Azaliya kutwala ku nkomi ya kembi.

²⁵ Palalu mwana Uzayi niye watendulwile mbalila ya ku lundaminako kutatikila ha nkomi ya kembi naku kapeshi kaku musheke wakuyilu kwakwipi na shinzanza sha bakakulama. Pendaya mwana Paloshi watendulwile mbalila ya ku lundaminako.

²⁶ Bakakutenda milimo ku litala lya Nyambi aba bekalilenga ku mbalila ya lukena batumbile Ofwila, batendulwile mbalila ya ku lundaminako, eye yakumine kwakwipi na Lipangati lya Mema naku kapeshi kalamanga Litala lya Nyambi ku mushamuko.

Baka kutendulula bamina

²⁷ Bakatekoya batendulwile mbalila ya ku lundaminako, mbalila yabo ya wubili, ya balikilile kuliyahikiza na kapeshi kakanene kalamanga Litala lya Nyambi, kukakuma naku kembi kwakwipi na Ofwila.

²⁸ Likunge lya bakankombela batendulwile mbalila ya ku lundaminako, bafumishile ku Lipangati lya bambishi kutwala ku ncelele, muntu na muntu watendelele kumbili ya litala lyendi.

²⁹ Zandoki mwana Imele niye watendulwile mbalila ya ku lundaminako, eye yekalile kumbili ya litala lyendi.Shemaya mwana Shekaniya, mukakulama ku Lipangati lya ku Mushamuko watendulwile mbalila ya ku lundaminako.

³⁰ Hananiya mwana Shelemiya na Hanuni mwana wa mutanu na umo ku bana ba Zalafu, nibo batendulwile mbalila ya ku lundaminako. Eye niyo yengile mbalila yabo ya wubili. Meshulama mwana Mbelekiya watendulwile mbalila ya ku lundaminako, eye yekalile kumbili ya litala lyendi.

³¹ Malikiya mfuzi wa ngolinde, niye watendulwile mbalila ya ku lundaminako, kuka kumisha naku litala elye balanganinenga bantu ba mulimo wamu Litala lya Nyambi na bakakulandisha. Lyekalilenga kwakwipi na Lipangati oku bahatulwilenga bakanzita, hahepi na kampenci ka hayilu kulwa ncelele waku mushamuko ku nkomi ya kembi.

³² Bamfuzi ba ngolinde na bakakulandisha batendulwile mbalila ya mamaninino, ku balika ku kampenci kaku nkomi kuka kumisha naku Lipangati lya Bambelele.