Ndayano 24 - Libuka Lya Kuyela

Bya kuziha maluwo na kulibwesha

¹ “Oho mulume akuyeka mbuyama, kubazumuka kami ha kubula ku wahilila nendi na ku shinga ku mukana, ndaba ya shuma eshi a kubula ku shinga kukwendi, nohobene amutikitile liñwati lya ku ziha maluwo na ku mu lubula, alipanike kukwendi, pe ha ku mu tanda ku munkanda wendi.

² Niho hamina ndi ukayekiwa ku mulume washenge,

³ kami ha kubula ku wahilila nendi, nohobene ha kutikita liñwati lya kumulubula na kumutanda ku munkanda wendi. Hinge ndi hamina mukokwendi wawubili unafu,

⁴ mukokwendi wa kutatika hinga amubokela kumuyeka kami munyima ya kubipishiwa, ndaba shikenga sha wunyengwe kuli Nyambi ya Ngula. Hinga mu tenda wubi wa wunene wa nehe mu litunga elye akumipanika Nyambi ya Ngula kwinga likona lyenu.

Ndayano za kulishiyashiya

⁵ “Ndi mulume unayeke sha wuluno, kaliha wunafwanini kutumiwa mu mulimo wa nzita hinge kwimanina ku mulimo wa bantu babengi. Nafwanini kwikala mwaka wanzimba ha munkanda wendi na ku wahilila hamo na mukazendi uya anayeke.

⁶ “Kowa muntu nafwanini kushimba limanya lyendi lya kupelela mpeka na shipelesho sha kupelesha ku mukuli, eshe shika kwangisha nzila ya nyoyelo ya lupashi ha kupela byakulya.

⁷ “Muntu enge yani hinge yani wakuhukula minendi Kaishalela na kumufutula ndungo yendi, hinge kumulandisha ku wulungo, wanoho unafwanini kuzihiwa. Nohobene mu ku fwanina kufumisha ou wubi mukati kenu.

⁸ “Oho muli na kukola wulweli wakuliyambwisha monenu ngayi mukutenda nehe ba kumitongweza bakankombela, konkenu kufundiziza kuya nabapaniki.

⁹ Anukenu ebye atendele Nyambi ya Ngula, Nyambi yenu, kuli Miliyamu oho mwafuminenga ku Engepita.

¹⁰ “Oho munapaniki muntu mukuli wa shuma shimo, hinga muya mu litala lyendi mu kushimba mwayi wendi uya akushinga kukapanika kwinga kapopo.

¹¹ Yikalenu ha munkanda, mumulehe ashilete kukwenu niyemwine.

¹² Ndi nengi ncepwe, kapopo kendi hinga kalala kukwenu wushiku nimwawo,

¹³ kabweshenu kukwendi ha mazolo na mazolo, nohobene atweshe kwikala nako na kulanganaho. Niho niye ukwinga mukakukambilila kukwenu, pe Nyambi ya Ngula, Nyambi yenu, ukawahilila nanenu.

¹⁴ “Hinga mukeyela mukamulimo wakushepwa wakubula shamina, hinge ndi nengi minenu Kaishalela, hinge ndi nengi lipukwenda wazika mu minzi yenu.

¹⁵ Ha mutena ha mutena oho mutena shilolo ulele mupanike ncuungu ya uya mulimo anatende waha mutena ha mutena, ukushinga mali na kulabiwa ha kutambulawo. Ndi mu kubula kubapanika, ukakulilila kuli Nyambi ya Ngula, pe ukenga wubi kukwobe.

¹⁶ “Bahemi hinga bafwila wubi banatende bana babo, kami bana hinga bafwila wubi banatende bahemi babo. Muntu ukufwila tuhu wubi anatende niyemwine.

¹⁷ “Hinga mulyatilila mapukwenda na banginga ku byuma byabo binabafwanini, kami hinga mushimba mwayi wa mfwile kwinga kapopo ha mukuli.

¹⁸ Anukenu ngayi mwengile bandungo mu Engepita, kami Nyambi ya Ngula, Nyambi yenu, wamifumishilemo, niho ni kumi laya ngayi mukonke mazu awa.

¹⁹ “Oho mu kuteza mbuto yenu na kuvulama iya mbuto munatezenga mu mfuba, hinga muyi bokela na kuyishimba. Mbuto yiyo, yina shalili kwinga ya mapukwenda na banginga na bamfwile, nohobene ngayi Nyambi ya Ngula, Nyambi yenu, mwanga amitandalishe mu byuma nimwabyo mukatenda.

²⁰ Oho mwapulumunakale mikabo yenu ya olive kamo, hinga mubokelamo kami na kushimba yiya yina shalamo, ndaba yikenga ya mapukwenda na banginga na bamfwile.

²¹ Oho mwapulumunakale mikabo yenu ya shinyanca kamo, hinga mubokelamo kami kupulumuna ku mitondo ya shinyanca kawubili, mikabo yiya yinashala yinengi ya mapukwenda na banginga na bamfwile.

²² Anukenu ngayi mwengile bandungo mu Engepita, niho ni kumi laya ngayi mukonke mazu awa.