Ndayano 23 - Libuka Lya Kuyela

Kufumishiwa mukati ka bantu ba Nyambi ya Ngula

¹ “Mulume ou unatatuliwi hinge ou naketuliwi wulume wendi, kutwesha wufwako kulifungila mukati ka bantu ba Nyambi ya Ngula.

² “Kowa mwana wa wumambe, ou ukatwesha kwingina mu shikungulukilo sha Nyambi ya Ngula, hinge bazukulyendi, hinge ba ku bihemwinino byendi likumi, ukengina mu shikungulukilo sha Nyambi ya Ngula.

³ “Kaamoni hinge Kamowambi, hinge ndi yani waku bazukulyabo, hinge waku bihemwinino likumi, kowa ukatwesha kwingina mu shikungulukilo sha Nyambi ya Ngula.

⁴ Aba bakanine kumipanika byakulya na mema oho mwekalile ha mukala mwafuminenga ku Engepita, nibo bayumbile mali Mbalaamu mwana Mbeyola wa mulume, waku munzi wa Petola mu Meshopotamiya, kwiza mu kumikutwiza.

⁵ Ngoboni Nyambi ya Ngula, Nyambi yenu, kaliha wayuvwililile kuli Mbalaamu, ngoboni wafutwile shikuto kwinga mfuywezi kukwenu, ndaba wamihakile.

⁶ Hinga muliyuvwashana nabo, hinge kutenda wuhoni nabo, ha matena akuyoya kwenu nimwawo.

⁷ “Hinga muhenda Baendoma, banengi bawushindawenu. Kami hinga muhenda Baengepita, ndaba mwaka mwengile mapukwenda mu litunga lyabo.

⁸ Ku balika ku shihemunwino sha wuhatu na ku bazukulyabo bakatwesha kwingina mu shikungulukilo sha Nyambi ya Ngula.”

Kulama shiwahe munkungwa wa bakanzita

⁹ “Ha shikati sha nzita oho muli mu munkungwa, mukanishe shuma nimwasho sha shibi shiya shikamibipisha.

¹⁰ Ndi mulume wekala na mulo wakulangana na mukazi wakumutweshesha kututwisha mukeza wushiku, wafwanina kuya kunkumo ya munkungwa na kwikalako.

¹¹ “Kwenga mazolo ayowele niye mwine, pe ha kulela kwa mutena ukutwesha kuboka mu munkungwa.

¹² “Mu ku fwanina kwikala na mwanya kunkumo ya munkungwa oku mu kutwesha kuya oho mukushinga ku shanuka ha lishaka.

¹³ Shimbenu likahu ha byuma byenu ngayi oho muli na ku shanuka ha lishaka mu kutwesha kukabisha liteke na kulifwika.

¹⁴ Lamenu munkungwa wenu winge wa kuyela, ndaba Nyambi ya Ngula, Nyambi yenu, uli hamo nanenu mu munkungwa mu kumilama na kupanika bamalamo benu mu maboko wenu. Hinga mutenda shuma hinge shimo shashibi shiya shikaletesha ngayi Nyambi ya Ngula akapanike mongo wendi kukwenu.”

Ndayano za kulishiyashiya

¹⁵ “Ndi ndungo ukushila kuli hekulyendi pe hakwiza kukwobe ngayi umulame, hinga umubwesha kuli hekulyendi.

¹⁶ Ukutwesha kwikala nanenu, ukazika nimwako kuya akahata mu minzi yenu, kami ku fwanina mufwako kumwikalisha na shilala.

¹⁷ “Kowa Kaishalela wa mulume hinge wa mbuyama, ukenga walwiholwiho mu Litala lya Nyambi ya Ngula.

¹⁸ Kowa mali anawaniwili mu nzila ya wunjenge hinge ndando ya kawa akutwesha kuletiwa mu Litala lya Nyambi ya Ngula, Nyambi yenu, mu kubezulula lubeza, ndaba ebye byenga bya wunyengwe kuli Nyambi ya Ngula.

¹⁹ “Oho mu kupana mali a mukuli, hinge byakulya, hinge shuma nimwasho tuhu kuli kawushinda wobe, hinga umuyumbisha nkambiko.

²⁰ Mukutwesha kuyumbisha nkambiko kunebye wapanika ku lipukwenda, ngoboni kaliha ha biya mwapanika kuli minenu Kaishalela. Ombatalenu mazu awa, pe Nyambi ya Ngula, Nyambi yenu, ukatandalisha byuma nimwabyo biya mukatenda mu litunga liya muli na kutambula.

²¹ “Oho mu kulibeza kuli Nyambi ya Ngula, Nyambi yenu, hinga muleha kutenda shiya mwakulupishile. Nyambi ya Ngula ukamikwata ku mbeza zenu, kami eshe shinengi wubi kukwenu.

²² Kubula kulibeza kuli Nyambi ya Ngula kaliha shenga wubi,

²³ ngoboni ndi mu kulibeza kufunga kwa mitima, pe mumone ngayi mu kulama ebye munakulupishi.

²⁴ “Oho mu kupita mu mfuba ya mikabo ya shinyanca ya muntu washenge, mu kutwesha kulya mikabo nimwayo mukushinga, ngoboni ku fwanina kushimba yimo mu ntumba mufwako.

²⁵ Oho muli na kwenda mu mfuba ya byakulya ya muntu washenge, mu kutwesha kulya mbuto nimwayo mu kutwesha kupulula mu maboko, ngoboni ku fwanina kuketula mbuto na ncekeshi mufwako.”