Biblia Todo Logo
Bìoball air-loidhne

- Sanasan -

Mika 6 - Libuka Lya Kuyela


Nyambi ya Ngula ukunyanca bantu bendi

1 Yuvwililenu, ebye akwamba Nyambi ya Ngula bya Ishalela. Nyambi emane kumbili ya mapili, ambe shambo shendi, binkanda biyuvwe lizu lyendi.

2 Enu mapili, ou Nyambi ya Ngula alengele kwinga mwimbi wa hano hanci, Nyambi uli na shambo na bantu bendi, wakuyatisha Ishalela.

3 Nyambi ya Ngula ukwamba ngayi, “Enu bantu bami, kati natende bishini kukwenu? Kati ninamikwangishi nahiti? Haya nkumbulenu.

4 Namifumishile ku litunga lya Engepita kumi kuliza ku litala lya wulungo, kami natumine kumbili yenu Moshesha na Aloni hamo na Miliyamu ngayi bamitwaminine.

5 Enu bantu bami, anukenu biya ashingile kutenda Mbalaki mwene wa litunga lya Mowambi hahenu na nebye akumbwile Mbalaamu mwana Mbeyola kukwendi, pe kami na biya byamonekele ha mukala wakufuma ku Shitimu kuya ku Ngilingale, ngayi mwanga mulimuke ntendelo ya Nyambi ya Ngula ya kupulwisha.” Eshe nisho anamba Nyambi ya Ngula.


Ebye bikuwahilisha Nyambi ya Ngula

6 Nikatwala bishini ha kuya mu kuholoka ku meho a Nyambi ya Ngula, oho nikashintama ku meho a Nyambi wa muyilu? Kati nikaya kukwendi na zinkombela za kuhokesha, hamo na manamani a mwaka umo ndi?

7 Kati Nyambi ya Ngula ukawahilila ha kutupula kukwendi makulukazi a bikungwe bya bambelele hamo na makulukazi likumi a mishashi ya mazi ndi? Kati nikatupula mwanami wa mweli kwinga nkombela ha wubi wami hinge mwanami wakulibelekela ngayi nikulize moyo wami ndi?

8 Byo. Nyambi ya Ngula unatumoneshe byabiwahe, kati ukushinga bishini kukwetu ngayi tubitende? Ukushinga ngayi tutende bya kupwisha, naku monesha shishemo, twende hamo na Nyambi yetu mu kulishepesha na ku haka baminetu.

9 Shinengi shuma sha ngana kutina Nyambi ya Ngula. Una kubilika ku munzi ngayi, “Yuvwililenu enu bantu baya banalikungwilili mu munzi.

10 Kati nikutwesha kuvulama wuheti wuli mu litala lya wakuluwa wuya anahete mu nzila ya kuluwa ndi? Bakuliyavwisha bipimisho bya kwongeza biya nazimba.

11 Kati nikutwesha ku shambisha muntu uya ukulandishila ha bipimisho bya kuluwa na mamanya akwongeza ndi?

12 Bantu benu ba kuheta bali na mushunga, aba bazika mu munzi bonzela kwamba mahalo na zindimi zabo zikwamba bya kwongeza.

13 Nohobene natatiki kumikama na malwa amanene na kumilobesha ndaba ya wubi wenu.

14 Mukalya, ngoboni kukekuta mufwako, pe mu mavumo enu mukekala nzala, hinge ndi mukezeka kukoweza, ngoboni ebye mukakoweza kukekala bifwako, nikabipana ku bakakumilwisha.

15 Mukakuba mbuto, ngoboni kukateza mufwako, mukazonga mazi ku olive, ngoboni mufwako kukaliwabawo, mukayema waine, ngoboni mufwako kukayinwa.

16 Munalama biheka byabibi bya Omili na milimo nimwayo ya baka litala lya Ahambu, kami mukwenda mu ngana za nyendelo yabo, nohobene nikamilobesha na bantu benu nikabafutula mashilawizo, matunga akamikendula.”

Libuka Lya Kuyela © Bible Society of Zambia, 2020.

Bible Society of Zambia
Lean sinn:



Sanasan