Malaki 4 - Libuka Lya Kuyela

Mutena wa Nyambi ya Ngula uli na kwiza

¹ Nyambi wa Makunge ukwamba ngayi, “Mutena uli na kwiza, ukenga mutena wakulasheka mundilo ngonehe mundilo wamu ngaanze. Nimwabo bakakuliyemeza na bakakutenda wubi bakahoka ngonehe ntende. Ha mutena uyo bakahoka na mundilo, kowa mupishi hinge mwahi ukashala kukwabo.

² Ngoboni enu mu kutina lizina lyami, wuwahe ukeza hahenu ngonehe mutena ukumunika ha muntu. Kulunga kukeza hahenu ngonehe mutena. Mukaya na kulishamba ngo manamani banatutwishi mu mulaka.

³ Mukalyatangila bakuluwa, pe bakafutuka mutoko mu malyatilo a mawulu wenu, ha mutena uyo oho nikatenda ebye nimwabyo. Eshe nisho akwamba Nyambi wa Makunge.

⁴ “Anukenu ndayano za mukamulimo wami Moshesha, ziya namupanine ku Lipili lya Shinayi ngayi mwanga atongweze Baishalela nimwabo.

⁵ “Monenu, nikamitumina muluwe Eliya, oho uyo mutena wakutinisha wa Nyambi shilolo ukume.

⁶ Niye ukatengulula mitima ya bahemi, ngayi bahake bana babo na mitima ya bana babo ngayi bayuvwilile bahemi babo, pe ndi kukatendiwa noho shifwako, pe nikeza na kumilobesha.”