Kulaba 7 - Libuka Lya Kuyela

Zintupu za bakakutwaminina

¹ Ha mutena Moshesha amanishile kwimika ntanda ya shikungulukilo, pe wawabishile ntanda na kuyizilika na byuma byayo nimwabyo na kaala na byuma byako nimwabyo.

² Niho bakulwane ba mavumo amanene aba bengile bakakutwaminina mu mishobo ya Ishalela, nibo kami bantu bamo baya bengile bakakutilamina ha bya kulaba,

³ baletele zintupu zabo kuli Nyambi ya Ngula. Zintupu eze zengile makoloyi amanene mutanu na limo na bankunzi ba kutatula likumi na babili engile koloyi yimo kubakakutwaminina babili na nkunzi wakutatula umo ku mukakutwamina na mukakutwamina. Oho bamanishile kubapana,

⁴ niho Nyambi ya Ngula ambile kuli Moshesha ngayi,

⁵ “Tambula zintupu eze za kutendesha mu mulimo ukatendiwa ku ntanda ya shikungulukilo, uzipane kuli Balevi kwezeka ngonehe ku mulimo ou eze bakatende.”

⁶ Nohobene Moshesha wapanikile Balevi makoloyi na bankunzi ba kutatula.

⁷ Wapanikile makoloyi abili na bankunzi ba kutatula banaa kuli Bangeshona,

⁸ na makoloyi anaa na bankunzi ba kutatula mutanu na bahatu kuli ba Melali. Mulimo wabo nimwawo wengile mukakutwaminina Itama mwana mukankombela Aloni.

⁹ Ngoboni Moshesha kaliha wapanine makoloyi hinge bankunzi ba kutatula kuli Bakohati, ndaba byuma bya kuyela balaminenga babishimbile ha bifuzi byabo.

¹⁰ Bakakutwaminina kami baletele zinkombela za kufungwilisha kaala. Oho batatikakale kuleta zintupu zabo ku kaala,

¹¹ Nyambi ya Ngula wambile kuli Moshesha ngayi, “Batongweze ngayi ha mutena ha mutena, ha matena likumi na abili, mukakutwaminina umo ukaleta ntupu yendi ya kufungwila, ku kaala.”

¹² Muntu ou waletele ntupu yendi ha mutena wakutatika wengile Nahishoni, mwana Aminandabe, mukakutwaminina wa mushobo wa Yunda.

¹³ Ntupu yendi yengile lulonga lumo lwa shiliva wulemu walwo wengile kilo imo na shitika na lulonga lumo lwa shiliva lwa kukunama, wulemu walwo wengile mangilamu 800 ha wulemu ngonehe ndando yalandiwanga yaku ntanda ya kuyela, wubili wazo za kwinzala na muhunga wakuvuba na mazi a ntupu ya mpeka, pe kami,

¹⁴ lulonga lumo lwa ngolinde lwa kukunama, wulemu walwo wengile mangilamu 110 lwa kwinzala na incence.

¹⁵ Nakukambikaho, mwana nkunzi umo na shikungwe umo wa mbelele na mwana mbelele umo wa mwaka umo bya nkombela yakuhokesha,

¹⁶ pe kami mpongo umo wa ntupu ya ha wubi,

¹⁷ pe bankunzi babili na bikungwe mutanu bya bambelele na bankunzi ba bampongo mutanu na bana babambelele ba mwaka umo mutanu bya nkombela ya kulilumikila, eye yengile ntupu ya Nahishoni mwana Aminandabe.

¹⁸ Muntu ou waletele nkombela yendi ha mutena wawubili wengile Natanele mwana Zuwala, mukakutwaminina wa mushobo wa Ishaka.

¹⁹ Ntupu yendi yengile lulonga lumo lwa shiliva wulemu walwo wengile kilo imo na shitika na lulonga lumo lwa shiliva lwa kukunama, wulemu walwo wengile mangilamu 800 ha wulemu ngonehe ndando yalandiwanga ya ntanda ya kuyela, wubili wazo za kwinzala na muhunga wakuvuba na mazi a ntupu ya mpeka,

²⁰ pe kami lulonga lumo lwa ngolinde lwa kukunama, wulemu walwo wengile mangilamu 110 lwa kwinzala na incence.

²¹ Nakukambikaho, mwana nkunzi umo na shikungwe umo wambelele na mwana mbelele umo wa mwaka umo bya nkombela yakuhokesha,

²² wakombelele kami shikungwe wa mpongo umo wa ntupu ya ha wubi,

²³ na bankunzi babili ba bantatula na bikungwe mutanu bya bambelele na bikungwe bya bampongo mutanu na bana ba bambelele ba mwaka umo mutanu bya nkombela ya ntupu ya kulilumikila. Eye yengile ntupu ya Natanele mwana Zuwala.

²⁴ Muntu ou waletele nkombela yendi ha mutena wawuhatu wengile Eliyambi mwana Heloni, mukakutwaminina wa bazukulya Zembuloni.

²⁵ Ntupu yendi yengile lulonga lumo lwa shiliva wulemu walwo wengile kilo imo na shitika na lulonga lumo lwa shiliva lwa kukunama, wulemu walwo wengile mangilamu 800 ha wulemu ngonehe ndando yalandiwanga yaku ntanda ya kuyela, wubili wazo za kwinzala na muhunga wakuvuba na mazi a ntupu ya mpeka,

²⁶ pe kami lulonga lumo lwa ngolinde lwa kukunama, wulemu walwo wengile mangilamu 110 lwa kwinzala na incence.

²⁷ Nakukambikaho mwana nkunzi umo na shikungwe umo wa mbelele na mwana mbelele umo wa mwaka umo bya nkombela yakuhokesha,

²⁸ wakombelele kami shikungwe umo wa mpongo wa ntupu ya ha wubi,

²⁹ na bankunzi babili na bikungwe mutanu bya bambelele na bampongo mutanu na bana ba bambelele ba mwaka umo mutanu bya nkombela ha ntupu ya kulilumikila. Eye niyo yengile nkombela ya Eliyambi mwana Heloni.

³⁰ Muntu ou waletele nkombela yendi ha mutena wawunaa wengile Elizula, mwana Shendula, mukakutwaminina wa mushobo wa Lubena.

³¹ Ntupu yendi yengile lulonga lumo lwa shiliva wulemu walwo wengile kilo imo na shitika na lulonga lumo lwa shiliva lwa kukunama, wulemu walwo lwengile mangilamu 800, ha wulemu ngonehe ndando yalandiwanga yaku ntanda ya kuyela, wubili wazo za kwinzala na muhunga wakuvuba na mazi, a ntupu ya mpeka,

³² pe kami lulonga lumo lwa ngolinde lwa kukunama, wulemu walwo wengile mangilamu 110 lwa kwinzala na incence.

³³ Nakukambikaho mwana nkunzi umo na shikungwe umo wa mbelele na mwana mbelele umo wa mwaka umo bya nkombela yakuhokesha,

³⁴ wakombelele kami shikungwe umo wa mpongo wa ntupu ya ha wubi,

³⁵ na bankunzi ba bantatula babili na bikungwe mutanu bya bambelele na bampongo mutanu na bana ba bambelele mutanu ba mwaka umo bya nkombela ha ntupu ya kulilumikila. Eye yengile nkombela ya Elizula mwana Shendula.

³⁶ Muntu ou waletele nkombela yendi ha mutena wa mutanu wengile Shelumiyela, mwana Zulishandayi, mukakutwaminina wa mushobo wa Shimiyoni.

³⁷ Ntupu yendi yengile lulonga lumo lwa shiliva wulemu walwo wengile kilo imo na shitika na lulonga lumo lwa shiliva lwa kukunama, wulemu walwo wengile mangilamu 800 ha wulemu ngonehe ndando yalandiwanga yaku ntanda ya kuyela, wubili wazo za kwinzala na muhunga wakuvuba na mazi a ntupu ya mpeka,

³⁸ pe kami lulonga lumo lwa ngolinde lwa kukunama, wulemu walwo wengile mangilamu 110 lwa kwinzala na incence.

³⁹ Nakukambikaho mwana nkunzi umo na shikungwe umo wa mbelele na mwana mbelele wa mwaka umo wa nkombela yakuhokesha,

⁴⁰ wakombelele kami shikungwe wa mpongo umo wa ntupu ya ha wubi,

⁴¹ na bankunzi ba bantatula babili na bikungwe mutanu bya bambelele na bampongo mutanu na bana ba bambelele ba mwaka umo mutanu bya nkombela ha ntupu ya kulilumikila. Eye yengile nkombela ya Shelumiyela mwana Zulishandayi.

⁴² Muntu ou waletele nkombela yendi ha mutena wa mutanu na umo wengile Eliyashafwi mwana Ndeulu, mukakutwaminina wa mushobo wa Ngandi.

⁴³ Ntupu yendi yengile lulonga lumo lwa shiliva wulemu walwo wengile kilo imo na shitika na lulonga lumo lwa shiliva lwa kukunama, wulemu walwo wengile mangilamu 800, ha wulemu ngonehe ndando yalandiwanga yaku ntanda ya kuyela, wubili wazo za kwinzala na muhunga wakuvuba na mazi a ntupu ya mpeka,

⁴⁴ wakombelele kami lulonga lumo lwa ngolinde lwa kukunama, wulemu walwo wengile mangilamu 110 lwa kwinzala na incence.

⁴⁵ Nakukambikaho mwana nkunzi umo na shikungwe umo wa mbelele na mwana mbelele umo wa mwaka umo bya nkombela yakuhokesha,

⁴⁶ wakombelele kami na shikungwe umo wa mpongo wa ntupu ya ha wubi,

⁴⁷ na bankunzi ba bantatula babili na bikungwe mutanu bya bambelele na bampongo mutanu na bana ba bambelele ba mwaka umo mutanu bya nkombela ha ntupu ya kulilumikila. Eye yengile nkombela ya Eliyashafwi mwana Ndeulu.

⁴⁸ Muntu ou waletele nkombela yendi ha mutena wa mutanu na abili wengile Elishama, mwana Amihundi mukakutwaminina wa mushobo wa Efulemu.

⁴⁹ Ntupu yendi yengile lulonga lumo lwa shiliva wulemu walwo wengile kilo imo na shitika na lulonga lumo lwa shiliva lwa kukunama, wulemu walwo wengile mangilamu 800 ha wulemu ngonehe ndando yalandiwanga yaku ntanda ya kuyela, wubili wazo za kwinzala na muhunga wakuvuba na mazi a ntupu ya mpeka,

⁵⁰ wakombelele kami lulonga lumo lwa ngolinde lwa kukunama, wulemu walwo wengile mangilamu 110 lwa kwinzala na incence.

⁵¹ Nakukambikaho mwana nkunzi umo na shikungwe umo wa mbelele na mwana mbelele umo wa mwaka umo, bya nkombela yakuhokesha,

⁵² pe kami na shikungwe umo wa mpongo wa ntupu ya ha wubi,

⁵³ na bankunzi babili na bikungwe mutanu bya bambelele na bampongo mutanu na bana ba bambelele ba mwaka umo mutanu bya nkombela ha ntupu ya kulilumikila. Eye yengile nkombela ya Elishama mwana Amihundi.

⁵⁴ Muntu ou waletele nkombela yendi ha mutena wa mutanu na kahatu wengile Ngamaliyele, mwana Pendahizu wa mulume, mukakutwaminina wa mushobo wa Manashe.

⁵⁵ Ntupu yendi yengile lulonga lumo lwa shiliva, wulemu walwo wengile kilo imo na shitika na lulonga lumo lwa shiliva lwa kukunama, wulemu walwo wengile mangilamu 800 ha wulemu ngonehe ndando yalandiwanga yaku ntanda ya kuyela, wubili wazo za kwinzala na muhunga wakuvuba na mazi a ntupu ya mpeka,

⁵⁶ pe kami lulonga lumo lwa ngolinde lwa kukunama, wulemu walwo wengile mangilamu 110, lwa kwinzala na incence.

⁵⁷ Nakukambikaho, mwana nkunzi umo na shikungwe umo wa mbelele na mwana mbelele umo wa mwaka umo bya nkombela ya kuhokesha,

⁵⁸ wakombelele kami shikungwe umo wa mpongo wa ntupu ya ha wubi

⁵⁹ na bankunzi ba bantatula babili na bikungwe mutanu bya babambelele na bikungwe bya bampongo mutanu na bana ba bambelele ba mwaka umo mutanu bya nkombela ha ntupu ya kulilumikila. Eye yengile nkombela ya Ngamaliyele mwana Pendahizu.

⁶⁰ Muntu ou waletele nkombela yendi ha mutena wa mutanu na anaa wengile Ambindani mwana Ngindiyoni, mukakutwaminina wa mushobo wa Mbenjamani.

⁶¹ Ntupu yendi yengile lulonga lumo lwa shiliva, wulemu walwo wengile kilo imo na shitika na lulonga lumo lwa shiliva lwa kukunama, wulemu walwo lwengile mangilamu 800, ha wulemu ngonehe ndando yalandiwanga yaku ntanda ya kuyela, wubili wazo za kwinzala na muhunga wakuvuba na mazi a ntupu ya mpeka,

⁶² wakombelele kami lulonga lumo lwa ngolinde lwa kukunama, wulemu walwo wengile mangilamu 110, lwa kwinzala na incence.

⁶³ Nakukambikaho mwana nkunzi umo na shikungwe umo wa mbelele na mwana mbelele umo wa mwaka umo bya nkombela yakuhokesha,

⁶⁴ wakombelele kami na shikungwe wa mpongo wa ntupu ya ha wubi,

⁶⁵ na bankunzi ba bantatula babili na bikungwe mutanu bya bambelele na bampongo mutanu na bana ba bambelele ba mwaka umo mutanu bya nkombela ha ntupu ya kulilumikila. Eye yengile nkombela ya Ambindani mwana Ngindiyoni.

⁶⁶ Muntu ou waletele nkombela yendi ha mutena wawulikumi wengile Ahiyaza mwana Amishandayi, mukakutwaminina wa mushobo wa Ndani.

⁶⁷ Ntupu yendi yengile lulonga lumo lwa shiliva, wulemu walwo wengile kilo imo na shitika na lulonga lumo lwa shiliva lwa kukunama wulemu walwo wengile mangilamu 800. Wakombelele kami lulonga lumo lwa ngolinde lwa kukunama, wulemu walwo wengile mangilamu 110 ha wulemu ngonehe ndando yalandiwanga ku ntanda ya kuyela, wubili wazo za kwinzala na muhunga wakuvuba na mazi a ntupu ya mpeka,

⁶⁸ wakombelele kami lulonga lumo lwa ngolinde lwa kukunama, wulemu walwo wengile mangilamu 110, lwa kwinzala na incence.

⁶⁹ Nakukambikaho mwana nkunzi umo na shikungwe umo wa mbelele na mwana mbelele umo wa mwaka umo, bya nkombela yakuhokesha,

⁷⁰ waletele nkombela yendi ya shikungwe wa mpongo umo wa ntupu ya ha wubi,

⁷¹ bankunzi babili na bikungwe mutanu bya bambelele na bampongo mutanu na bana ba bambelele ba mwaka umo mutanu, bya nkombela ha ntupu ya kulilumikila. Eye yengile ntupu ya Ahiyaza mwana Amishandayi.

⁷² Muntu ou waletele nkombela yendi ha mutena wawulikumi na kamo wengile Pangiyele mwana Okilani, mukakutwaminina wa mushobo wa Asha.

⁷³ Ntupu yendi yengile lulonga lumo lwa shiliva, wulemu walwo wengile kilo imo na shitika na lulonga lumo lwa shiliva lwa kukunama wulemu walwo wengile mangilamu 800, ha wulemu ngonehe ndando yalandiwanga yaku ntanda ya kuyela, wubili wazo za kwinzala na muhunga wakuvuba na mazi a ntupu ya mpeka,

⁷⁴ wakombelele kami lulonga lumo lwa ngolinde lwa kukunama, wulemu walwo wengile mangilamu 110, lwa kwinzala na incence.

⁷⁵ Nakukambikaho, mwana nkunzi umo na shikungwe umo wa mbelele na mwana mbelele umo wa mwaka umo, bya nkombela yakuhokesha,

⁷⁶ wakombelele kami na shikungwe wa mpongo umo wa ntupu ya ha wubi,

⁷⁷ na bankunzi ba bantatula babili na bikungwe mutanu bya bambelele na bampongo mutanu na bana ba bambelele ba mwaka umo mutanu bya nkombela ha ntupu ya kulilumikila. Eye yengile ntupu ya Pangiyele mwana Okilani.

⁷⁸ Muntu ou waletele nkombela yendi ha mutena wawulikumi na kabili wengile Ahila mwana Enani, mukakutwaminina wa mushobo wa Nafwitali.

⁷⁹ Ntupu yendi yengile lulonga lumo lwa shiliva, wulemu walwo wengile kilo imo na shitika na lulonga lumo lwa shiliva lwa kukunama, wulemu walwo lwengile mangilamu 800, ha wulemu wabyo ngonehe ndando yalandiwanga yaku ntanda ya kuyela, wubili wazo za kwinzala na muhunga wa kuvuba na mazi a ntupu ya mpeka,

⁸⁰ wakombelele kami lulonga lumo lwa ngolinde lwa kukunama, wulemu walwo wengile mangilamu 110, lwa kwinzala na incence.

⁸¹ Nakukambikaho, mwana nkunzi umo na shikungwe umo wa mbelele na mwana mbelele umo wa mwaka umo bya nkombela yakuhokesha,

⁸² wakombelele kami na shikungwe wa mpongo umo wa ntupu ya ha wubi,

⁸³ na bankunzi ba bantatula babili na bikungwe mutanu bya bambelele na bampongo mutanu na bana ba bambelele ba mwaka umo mutanu bya nkombela ha ntupu ya kulilumikila. Eye yengile ntupu ya Ahila mwana Enani.

⁸⁴ Zinkombela baletelenga nimwazo bakakutwaminina likumi na babili za kufungwilisha kaala zengile ngonehe, zindonga za shiliva likumi na zibili kami zindonga za kukunama likumi na zibili za shiliva, wulemu wawingi wazo wengile makilo makumi abili na mutanu na abili na shitika ngonehe ndando yalandiwanga yaku ntanda ya kuyela.

⁸⁵ Zindonga za ngolinde likumi na zibili, wulemu wazo wengile makilongilamu 28, ngonehe ndando yalandiwanga ku ntanda ya kuyela,

⁸⁶ na zindonga za ngolinde likumi na zibili, zinenzala na incence kamo na kamo kali na wulemu wakulingana 110, ngonehe ndando yaku ntanda ya kuyela,

⁸⁷ na bankunzi likumi na babili kwinga zinkombela za kuhokesha na bana ba bambelele likumi na babili ba mwaka umo, kulundikaho ntupu ya ha wubi,

⁸⁸ niho tuyamana nimwato twa nkombela ya kulilumikila twengile zingombe 24, bikungwe 60 na bankunzi ba bampongo 60 na bana babambelele ba mwaka umo 60. Eye niyo yengile nkombela yafunguliwile ha kaala, munyima ya kuyiwabisha.

⁸⁹ Oho Moshesha ayile mu ntanda ya shikungulukilo mukwamba na Nyambi ya Ngula, pe wayuvwile lizu lyambilenga kukwendi hayilu ya muhuko wa nceshe wa Likwati lya Kulimama Likwati lya Kulimama lya wupaki, mukati ka makelumbi a mbando akubaza, pe Nyambi ya Ngula wambile kukwendi kuyo.