Kulaba 33 - Libuka Lya Kuyela

Mukala wakufuma ku Engepita kuya ku Mowambi

¹ Muhoko wa mazina ano akutupanika mazina azimbalila oku mishobo ya Baishalela, bayile na kutenda munkungwa oho bafumakale ku Engepita mukwendeshiwa kwa Moshesha na Aloni.

² Ku ndayano za Nyambi ya Ngula, Moshesha watikitile lizina lya mbalila nimwayo aha batungilile munkungwa shikati na shikati.

³ Bantu ba Ishalela, ha kulamiwa kwa Nyambi ya Ngula, bafumine ku Engepita mu munzi wa Lamashishi, ha mutena wawulikumi na mutanu wa ngonda wakutatika kwa mwaka, mutena wa kunyima wa Shimbo sha Kupitilila, hinga balushwila meho Baengepita,

⁴ baya bekalile na kufunda bana ba bamyeli babalume baya azihile Nyambi ya Ngula. Nakutenda eshe, Nyambi ya Ngula, wamoneshele ngayi wengile wa ngovu kupitakana banyambi ba Engepita.

⁵ Bantu ba Ishalela bafumine ku Lamashishi na kuya mukutenda munkungwa ku Shukota.

⁶ Oho bafumine ku Shukota bayile mukutenda munkungwa wabo ku Etami ku nkumo ya libelelengwa.

⁷ Kufuma ku Etami, babokele ku Pi Hahiloti ku mushamuko wa Mbaalu Zefwoni, pe bayile mukutenda kami munkungwa kwakwipi na Mingindo.

⁸ Bafumine ku Pi Hahiloti niho bapitile mu Liwate lya Kufubila mukati ka libelelengwa lya Etami. Oho bendele matena ahatu kami batendele munkungwa ku Mala.

⁹ Kufuma kuyo, bayile ku Elimu, niko kami batendele munkungwa ndaba kuyo kwekalile tuheloke twa mema likumi na tubili na mitondo ya minkomona 70.

¹⁰ Bafumine ku Elimu bayile na kutenda munkungwa wabo kwakwipi na Liwate lya matete.

¹¹ Munkungwa wabo wakulundaminako wekalile mu Libelelengwa lya Shini.

¹² Niho kami bakatendele munkungwa ku Ndofwika,

¹³ kami oho bafumine ku Ndofwika bayile ku Alushi.

¹⁴ Bafumine ku Alushi, bayile ku Lefwindima oku kwabulile mema akunwa bantu.

¹⁵ Bafumine ku Lefwindima, pe bakatendele munkungwa ku Libelelengwa lya Shinayi.

¹⁶ Bafumine ku Libelelengwa lya Shinayi, pe kami bakatendele munkungwa wabo ku Kimbuloti Hatava.

¹⁷ Bafumine ku Kimbuloti Hatava pe bakatendele munkungwa ku Hazeloti.

¹⁸ Bafumine ku Hazeloti bakatendelele munkungwa ku Litama.

¹⁹ Bafumine ku Litama bakatendele munkungwa ku Limoni Pelizi.

²⁰ Bafumine ku Limoni Pelizi pe bakatendele munkungwa ku Limbina.

²¹ Bafumine ku Limbina bakatendele kami munkungwa ku Lisha.

²² Bafumine ku Lisha niho bakatendele kami munkungwa wabo ku Kehelata.

²³ Bafumine ku Kehelata pe bakatendele munkungwa ku Lipili lya Shefwila.

²⁴ Bafumine ku Lipili lya Shefwila pe bakatendele munkungwa ku Halanda.

²⁵ Bafumine ku Halanda pe bakatendele munkungwa ku Makelote.

²⁶ Bafumine ku Makelote pe bakatendele munkungwa ku Tahate.

²⁷ Bafumine ku Tahate pe bakatendele munkungwa ku Tela.

²⁸ Bafumine ku Tela pe bakatendele munkungwa ku Mitika.

²⁹ Bafumine ku Mitika pe bakatendele munkungwa ku Hashimona.

³⁰ Bafumine ku Hashimona pe bakatendele munkungwa ku Moshelote.

³¹ Bafumine ku Moshelote pe bakatendele munkungwa ku Mbene Yaakani.

³² Bafumine ku Mbene Yaakani pe bakatendele munkungwa ku Hola Hangindingandi.

³³ Bafumine ku Hola Hangindingandi pe bakatendele munkungwa ku Yotimbata.

³⁴ Bafumine ku Yotimbata pe batendele munkungwa ku Ambulona.

³⁵ Bafumine ku Ambulona pe bakatendele munkungwa ku Eziyoni Ngemba.

³⁶ Bafumine ku Eziyoni Ngemba pe bakatendele munkungwa ku Kandeshi mu Libelelengwa lya Zini (kutontolola ngayi Kandeshi).

³⁷ Bafumine ku Kandeshi pe bakatendele munkungwa ku Lipili lya Hola, ku nginza ya Litunga lya Endoma.

³⁸ Mukankombela Aloni wakandamine ku Lipili lya Hola ku ndayano za Nyambi ya Ngula, wakafwililile kuyo ha mutena wakutatika wa ngonda wa mutanu wa mwaka wa makumi anaa oho Baishalela bafumakale mu Engepita.

³⁹ Mukankombela Aloni wakandamine ku Lipili lya Hola ku ndayano za Nyambi ya Ngula. Wakafwililile kuyo, hinga ekala na myaka 123.

⁴⁰ Mwene waku Alandi ku mabukubuku a Kenaani wayuvwile ngayi Baishalela bali na kwiza.

⁴¹ Kufuma ku Lipili lya Hola pe bakatendele munkungwa ku Zalumona.

⁴² Bafumine ku Zalumona pe bakatendele munkungwa ku Punona.

⁴³ Bafumine ku Punona pe bakatendele munkungwa ku Omboti.

⁴⁴ Bafumine ku Omboti pe bakatendele munkungwa ku mbalila ya mapembe a Iye Ambalimu mu litunga lya Mowambi.

⁴⁵ Bafumine ku Iye Ambilima pe bakatendele munkungwa ku Ndimboni Ngandi.

⁴⁶ Bafumine ku Ndimboni Ngandi pe bakatendele munkungwa ku Alumoni Ndibilatami.

⁴⁷ Bafumine ku Alumoni Ndibilatami pe bakatendele munkungwa ku Lipili lya Ambalimu kwakwipi na Lipili lya Nembo.

⁴⁸ Bafumine ku Lipili lya Ambalimu pe bakatendele munkungwa muzimbalila za Mowambi mu nciza ya mushinzi wa Yondana kuliyahikiza na Yeliko,

⁴⁹ bakatendele munkungwa wabo mu mbuwa ya Mowambi kunkumo ya Yondana, mukati ka Mbeti Yeshimoti naku Abele Shitimu kukuma naku mukulo wa mitondo ya Mumbambangoma.

⁵⁰ Nyambi ya Ngula wambile kuli Moshesha muyo mu zimbuwa za Mowambi mu nciza ya Yondana kuliyahikiza na Yeliko,

⁵¹ kutongweza Baishalela ngayi, “Oho mu kuzabuka Yondana kuya mu litunga lya Kenaani,

⁵² mu ku fwanina kutanda nimwabo bazika mu litunga. Lobeshenu tunankishi twabo nimwato twa mamanya na twa kuyungulula hamo na zimbalila zabo nimwazo za kulemeshela ha mapili.

⁵³ Tambulenu litunga, pe mwikalemo ndaba nili na kumipanalyo.

⁵⁴ Tapilenu litunga mukati ka mushobo na mushobo, livumo na livumo, ha kukuna zinyela. Panikenu shitapilo shashinene ku livumo lyalinene na shashishe ku livumo lyalishe.

⁵⁵ Ngoboni ndi kutanda bakakuzika mu litunga mufwako, obo banashalamo bakenga bakakumiyandisha ngonehe zihoke mu meho wenu na mihengela mu mawulu wenu, pe bakamilwisha.

⁵⁶ Ndi kubatanda mufwako, nikamilobesha ngonehe nafungile kubalobesha nibo.”