Kulaba 26 - Libuka Lya Kuyela

Kulabiwa kwa kabili

¹ Oho wulweli wakubula kutwesha kupangiwa wapitakale, Nyambi ya Ngula wambile kuli Moshesha na Eliza mwana mukankombela Aloni ngayi,

² “Labulula ba lupashi ba likunge nimwalyo lya Ishalela, nimwabo obo bali na myaka makumi abili hinge ba kukula kupitakana, aba banakumu ha kulwa nzita.”

³ Moshesha na mukankombela Eliza bombatalile na kwihana bantu nimwabo aba bengile ba myaka yiya ya kukula. Wambile kukwabo mu zimbuwa ku Yondana kufuma mu Yeliko.

⁴ Bakungulukilile mu zimbuwa za ku Mowambi mu nciza ya mushinzi wa Yondana kuliyahikiza na Yeliko. Aba nibo Baishalela baya bafumine ku Engepita.

⁵ Bazukulya lya Lubena, mwana Ishalela wa mweli, niwo engile mavumo a Hanoki na Palu,

⁶ na Heziloni na Kalimi.

⁷ Mavumo a Lubena awa alabiwile engile bantu 43,730.

⁸ Bazukulya Palu bengile Eliyambi,

⁹ na bana ba Eliyambi ba Nemuwele na Ndatani na Ambilamu. (Aba ba Ndatani na Ambilamu bahatiwile ku likunge. Bafutulukilile Moshesha na Aloni pe balihongele na bakakukonka Kola, oho bafutulukilile Nyambi ya Ngula.

¹⁰ Limvu lya shinkulukile na ku bamina, pe bafwile hamo na Kola na bakakumukonka, oho mundilo walobeshele bantu 250, pe bafutukile kwinga ba kushuzisha bantu.

¹¹ Ngoboni bana ba Kola kaliha bazihiwile.)

¹² Bazukulya Shimiyoni wekalile na mavumo a Nemuwele na Yamini, Yakini

¹³ na Zela na Shaulu.

¹⁴ Awa mavumo alabiwile engile bantu 22,200.

¹⁵ Baku mushobo wa Ngandi wekalile na mavumo aba Zefwoni na Hangi na Shuni,

¹⁶ na Baozini na Eli,

¹⁷ na Alondi na Aleli.

¹⁸ Mavumo awa a Ngandi alabiwile engile bantu 40,500.

¹⁹ Bana ba Yunda bengile Ela na Onani, pe Onani wakafwilile ku litunga lya Kenaani.

²⁰ Bazukulya Yunda wekalile na mavumo aba Shila na Pelizi na zela,

²¹ Bazukulya Pelizi bengile Heziloni, wakulivumo lya Heziloni, kwafumina ba Hamula.

²² Mavumo awa a Yunda alabiwile engile bantu 76,500.

²³ Bazukulya Ishaka wekalile na mavumo a Tola na Puwa,

²⁴ na Yashuba na Shimiloni.

²⁵ Mavumo awa alabiwile engile bantu 64,300.

²⁶ Bazukulya Zembuloni wekalile na mavumo a Shelendi na Eloni na Yalelu.

²⁷ Mavumo awa a Bazembuloni alabiwile engile bantu 60,500.

²⁸ Bazukulya Yoshefwa, kuya na mavumo wabo wabelekele bana babili, Manashe na Efulemu.

²⁹ Bazukulya Manashe bengile aba, Makiya mwanendi, ou wengile tata Ngiliyande. Pe mavumo atutikile ku bankakazabo kuli Ngiliyande,

³⁰ engile mavumo aba Iyeza na Heleki,

³¹ na Ashiliyele na Shekemu,

³² na Sheminda na Hefwa.

³³ Zelofwehandi mwana Hefwa, kaliha wekalile na bana babalume, ndele tuhu babambuyama. Mazina wabo bengile ba Mahila na Nowa na Hongila na Milika na Tiliza.

³⁴ Mavumo a Manashe awa alabiwile engile bantu 52,700.

³⁵ Bazukulya Efulemu wekalile na mavumo aba Shutela na Mbeka na Tahani.

³⁶ Mavumo a Elani bengile bazukulu batutika kuli Shutela.

³⁷ Mavumo a Efulemu awa alabiwile engile bantu 32,500. Bengile bazukulya Yoshefwa.

³⁸ Bazukulya Mbenjamani wekalile na mavumo a Bambela na Ashembela na Ahilama,

³⁹ na Shefufwama na Hufwama.

⁴⁰ Mavumo a Andi na Naamani bengile bazukulu batutika kuli Mbela.

⁴¹ Mavumo awa a Mbenjamani alabiwile engile bantu 45,600.

⁴² Bazukulya lya Ndani wekalile na livumo lya Shuhami,

⁴³ aba balabiwile bengile bantu 64,400

⁴⁴ Bazukulya Asha wekalile na mavumo a Imina na Ishivi na Mbeliya.

⁴⁵ Mavumo aba Hemba na Malikela bengile bazukulu ba Mbeliya.

⁴⁶ Asha wekalile na mwana wa mbuyama lizina lyendi Shela.

⁴⁷ Mavumo a Asha awa alabiwile engile bantu 53,400.

⁴⁸ Bazukulya lya Nafwitali wekalile na mavumo aba Yazilu na Nguni,

⁴⁹ na Yeza na Shilema.

⁵⁰ Mavumo a Nafwitali awa alabiwile engile bantu 45,400.

⁵¹ Bantu ba Ishalela nimwabo balabiwile bengile 601,730.

⁵² Nyambi ya Ngula wambile kuli Moshesha ngayi,

⁵³ “Tapishila litunga mukati ka mishobo kwinga likona ngonehe ku wingi wabo.

⁵⁴ Ku mushobo uya uli na bantu babengi, ukabapanike litunga lyalinene kwinga likona lyabo na ku bantu babashe ukabapana litunga lyalishe kwinga likona lyabo. Mushobo na mushobo ukapanikiwa litunga kwezekela na bantu aba balimo.

⁵⁵ Ngoboni litunga mukalipana ha kukuna nyela, kwezekesha na mazina a bankakazabo kuya kuwingi wabo.

⁵⁶ Pe likona lyabo ukalitapa ha kutenda nyela, mukati ka bantu babengi naba babashe.”

⁵⁷ Bazukulya Levi wekalile na mavumo aba Ngeshona na Kohati na Melali.

⁵⁸ Bazukulyabo kuyakako na mavumo amashe aba Limbini na Hembuloni na Mahili na Mushi na Kola. Kohati wengile tata Amalama.

⁵⁹ Lizina lya mukaza Amalama lyengile Yokibendi ou wahemuwilile mu Engepita. Wabelekelele Amalama bana babili babalume, Aloni na Moshesha na wa mbuyama Miliyamu.

⁶⁰ Aloni wekalile na bana banaa babalume, ba Nandabi na Ambihu na Eliza na Itama.

⁶¹ Nandabi na Ambihu bafwile oho bakombelelele mundilo wakubula ku fwanina kuli Nyambi ya Ngula.

⁶² Balevi balabiwile bengile 23,000, bengile ba ngonda yimo kutwala ku ba kukula. Kaliha balabiwile hamo na Baishalela bamina nimwabo, ndaba kaliha bapanikiwile likona limo mu Ishalela.

⁶³ Awa mavumo nimwawo alabiwile kuli Moshesha na mukankombela Eliza oho balabilenga Baishalela mu zimbuwa za Mowambi mu nciza ya Mushinzi wa Yondana kuliyahikiza na Yeliko.

⁶⁴ Kuyo kaliha kwekalile muntu hinge umo washalileho ou wabulile kulabiwa mukati kabo obo balabile ba Moshesha na mukankombela Aloni ha kutatika mukati ka Libelelengwa lya Shinayi.

⁶⁵ Ngonehe ambile Nyambi ya Ngula ngayi nimwabo bakafwile mu libelelengwa, pe nimwabo bafwilililemo ndele tuhu Kalembu mwana Yefuna wamulume na Yoshuwa mwana Nune.