Ishaya 20 - Libuka Lya Kuyela

Muluwe ukulubulula bya kulwisha Engepita na Etopya

¹ Mu mwaka uya mukulwane wa bakanzita nimwabo, ou watumiwile kuli mwene Shalengoni wamu Ashiliya, wezile na nzita ya Ashiliya pe walwishile lukena lwa Bafwilishitina bamu Ashindondi na kuwu koma.

² Ha shikati shiyo Nyambi ya Ngula wambile muli Ishaya mwana Amozi ngayi, “Yanga ukavule bivwalo bya malila mu lukanda lwobe na kufumisha makatulo ku mawulu wobe,” pe watendele noho, wayile na kwenda muhelengwa na mawuluwulu.

³ Niho Nyambi ya Ngula ambile ngayi, “Ngonehe mukamulimo wami Ishaya anendenga muhelengwa na mawuluwulu mu myaka eye yihatu shinengi shilimukisho na shikomokesho ha Engepita na Etopya.

⁴ Osho nisho akatende mwene wa Ashiliya oho akatwala bandungo ba Engepita na bantapwa ba Etopya, batwanuke hamo na bakulwane bakenda muhelengwa na mawuluwulu na matakotako, bakaleta lisheni mu Engepita.

⁵ Niho baya bakinkile mitima ha Etopya na kulitemba ha Engepita bakayeneshiwa.

⁶ Ha mutena uyo aba bekala ha shibumbo sha liwate bakamba ngayi, ‘Monenu ebye byamonekakale ku bantu aba twalumbeze mumwabo, niko kami twatinininenga ngayi batuyavwe na kutufumisha ku maboko a mwene wa Ashiliya. Haa! Haya tukapuluka nahiti?’ ”