Ezekiyele 15 - Libuka Lya Kuyela

Nguli ya mukolobozi wa Shinyanca

¹ Nyambi ya Ngula wambile kukwami ngayi,

² “Mwana muntu, mukolobozi wa shinyanca ukulyezeka na mutondo ndi? Wuwahe ngani wa mwahi wa mukabo wa mukolobozi wa shinyanca wakufwekesha na mitondo ya lishaka?

³ Kati ukutwesha kutendeshasho ha kutenda shuma shamina ndi? Kati ukutwesha kubazaho zimpimpi za kukolekangaho byuma ndi?

⁴ Nisho shinengi shashiwahe tuhu kuyibikishasho mundilo. Haya oho zinkumo zinahoko na hakati hana hoko, obe ukutwesha kutendaho shuma ndi?

⁵ Oho shilolo shihoke shengile showa. Haya mundilo unashibabulu na ku shihokesha, shengakale hishowa shikuma.”

⁶ Haya eshe nisho ali na kwamba Nyambi ya Ngula ngayi, “Ngonehi mukolobozi wa shinyanca ukushimbiwa mu lishaka na kuhokeshiwa, nohobene ami nikashimba aba bantu bekalilenga mu Yelushalema na kubashushula.

⁷ Nibo banatini ku mundilo ngoboni mundilo ukabahokesha, oho nikabashushula. Enu mukalimuka ngayi Ami nili Nyambi ya Ngula.

⁸ Banengi bakubula kukulupila kukwami, nohobene nikafutula litunga lyabo kwinga lipembe.” Eshe nisho anamba Nyambi ya Ngula.