Bakakuyata 5 - Libuka Lya Kuyela

Lwimbo lwa Ndembola na Mbalaki

¹ Ha mutena uyo Ndembola na Mbalaki mwana Ambinoyama bembilile luno lwimbo ngayi,

² Yemezenu Nyambi ya Ngula! Ndaba bana ba bamyene babalume ba kutwaminina. Baishalela bashuminine kulwa, kami bantu balipanine nibo bamwine na mitima ya ku shoboloka.

³ Yuvwililenu, enu bamyene! Tengekenu matu shiwahe enu batulela bangovu! Nikembilila Nyambi ya Ngula lwimbo lwa lu wahe, kwimbilila Nyambi ya Ngula, Nyambi wa Ishalela.

⁴ Nyambi ya Ngula, oho watutikile ku mapili a Sheyili, oho wafumine mu litunga lya Endoma, hanci hakankile pe mvula walokele. Ingoi, mema afumine mu makumbi kuyitikila hanci.

⁵ Mapili anyenkanine ku meho a Nyambi ya Ngula waku Shinayi, ku meho a Nyambi ya Ngula, Nyambi wa Ishalela.

⁶ Ha matena a Shamunga mwana Anati, ha matena a Yayelu, ku matena ayo matanga a bantu ayilenga kami mu litunga, kami bakakwenda bendelenga mu zinzila za hambali.

⁷ Minzi ya Ishalela yengile mapembe, ee, niyo yengile mapembe hantu noho obe Ndembola wezile, hantu noho wakatukile ngonehe manda Ishalela.

⁸ Niho kwekalile nzita mu litunga, oho Baishalela batatikile kulemesha banyambi bashenge. Ha bantu 40,000 mu Ishalela, kupwisha kowa washimbile likebo hinge mulinga.

⁹ Mutima wami uli hamo na bakakutwaminina banzita ba Ishalela, hamo na bantu aba balipanine nibo bamwine na mitima ya ku shoboloka. Yemezenu Nyambi ya Ngula!

¹⁰ Shimikilenusho, enu mwakandamanga ha bambongolo ba kutuba, enu mwekala ha zinyangwa, nanenu mukwenda hanci oku mu kuya nimwako.

¹¹ Yuvwililenu! Miyoyo ya matanga a bakakwimbila anabungana ku mashima, hibashimikila kukoma kwa Nyambi ya Ngula, kukoma kwa bantu ba Ishalela! Niho bantu ba Nyambi ya Ngula bafumine mu minzi yabo na kukunkuluka!

¹² Twamininanga! Ndembola twamininanga pelee! Twamininanga pelee! Yimbila lwimbo! Twamininanga pelee! Obe Mbalaki mwana Ambinoyama, yanga kumbili, kwata bantapwa bobe, uyenga nabo!

¹³ Niho bantu bakulunga bezile kubakakutwaminina babo, bantu ba Nyambi ya Ngula bezile kukwendi, hinga balishakashakila mu kulwa.

¹⁴ Bafumine ku Efulemu, bezile mu litunga omu Baamaleki bekalilenga, bakonkele munyima ya mushobo wa Mbenjamani na bantu bendi. Bakulwane banzita bafumine ku Makiya, babilolo bafumine ku Zembuloni.

¹⁵ Bakakutwaminina ba Ishaka bezile hamo na Ndembola, ee, Ishaka wezile kami hamo na Mbalaki. Pe bamukonkele mu mukulo. Ngoboni mushobo wa Lubena walitapulwile, bekalile na shihanka sha kwiza.

¹⁶ Shumangani bashalilile kunyima na bambelele? Kuyuvwilila ku balishani bakwihana matanga, wabo na zimpeta ndi? Ee, mushobo wa Lubena walitapwilile, bekalile na shihanka shakwiza.

¹⁷ Mushobo wa Ngandi washalile mu Ngiliyande mu nciza ya Yondana, pe mushobo wa Ndani walilamine na mato. Mushobo wa Asha wekalilile ku nkumo ya shibumbo sha liwate, balamine kunkumo ya shibumbo.

¹⁸ Ngoboni bantu ba Zembuloni na Nafwitali, baleyekele wumi wabo ha lifuku lya nzita.

¹⁹ Bamyene bezile pe balwile, balwililile ku Tanaki, ku mushinzi wa Mengindo. Bamyene ba Kenaani balwile, ngoboni kaliha bashimbile shiliva.

²⁰ Nyenye zalwile muyilu, oho zendelenga kuketula likumbi hakati, nizo zalwishile Shishela.

²¹ Libazi lyamu Kishoni lya ba kupwile! Mushinzi wakuyukoka wa Kishoni. Obe moyo wami endaho! Endaho na nyala!

²² Niho bambishi bezile na ku kulutaho, ba kulutile ha limvu na mpazi zabo.

²³ Lingeloyi lya Nyambi ya Ngula lyambile ngayi, “Ukute Meloze, kuta aba bekalamo, ndaba kaliha bezile mu kuyavwa Nyambi ya Ngula, babulile kwiza na kumuyavwa ku mukangovu.”

²⁴ Mbuyama wakutandala hakati ka bambuyama nengi Yayelu, mukaza Hemba wa Kakeneta, mbuyama wakutandala hakati ka bambuyama baya bekala mu zintanda.

²⁵ Shishela wanyepele mema, ngoboni wamupanine mahwe, wamuletelele lukaki mu lulonga lwa kukunama lwa lu wahe lwa ku fwanina babilolo.

²⁶ Washimbile zimpimpi za ku ntanda mu liboko limo, na shikoma sha mukamulimo mu liboko lyamina. Wapampalile Shishela na kutabula shikola shendi, wamutubwile mu mutwe.

²⁷ Wazikimine ku manungo wendi, pe wawile hanci na kulala nee ku mawulu wendi. Ku mawulu wendi wazikimine mu manungo pe wawile, wawililile hanci ngumbanga wakufwa.

²⁸ Manda Shishela watilaminine ha munkanda mu limpananga, wenangilile kunyima ya lweye lwa byondo pe wepwile ngayi, “Shumangani makoloyi wendi a nzita akwihalila kwiza?” “Kati Shumangani bambishi bendi bakwendela nkokakahoni ha ku boka?”

²⁹ Bambeleki ba kukeya shikuma bamukumbwile, pe walyambishile niyemwine apitapitimo ngayi,

³⁰ “Hamina bali na kuwahisha byuma bya lipuku na kulitapila, kankanga umo hinge babili ha kanzita na kanzita, na makwiza amawahe akenga a Shishela, na makwiza abili akutangatanga amu ncingo yami.”

³¹ “Haya obe Nyambi ya Ngula bamalamo bobe nimwabo mwanga bakalobe nahiyo! Ngoboni bahoni bobe ba ku haka mwanga babyazimenga kufweka ngonehe wabyazimanga mutena oho watutikanga na kubiluzumuka.” Pe kwekalile ku mwena ha myaka makumi anaa mu litunga.