Biblia Todo Logo
Bìoball air-loidhne

- Sanasan -

Bahebelu 4 - Libuka Lya Kuyela

1 Shikulupisho sha Nyambi ngayi tukengina mu mwanya wakukatala ou a kulupishile. Haya tulamenu kutina wamina akwanga kukenginamo.

2 Ndaba etu tunayuvwu ncango, ngoboni lizu lyashimikiwile kukwabo lyabulile ku bayavwa, ndaba oho bayuvwile ncango, kaliha batambwile na kukulupila.

3 Etu tu na kulupili tukenginamo mu ku katala, nehi Nyambi ambile ngayi, “Nehi na pilamine na kuli beza ngayi, ‘Bafwako ku kengina mu litunga elye na bakulupishile ngayi bakakatale.’ ” Wambile eshe hinge ndi mulimo wendi wamanine kufuma ku kulenga kwa kaye.

4 Ndaba hatikitiwa hamina hakwamba bya ha mutena wa mutanu na abili ngayi, “Nyambi wakatalile ku milimo yendi nimwayo ha mutena wa mutanu na abili.”

5 Hamo kami u na kwamba byuma bimo ngayi, “Bafwako ku kengina mu litunga elye na bakulupishile ngayi bakakatale.”

6 Nyambi wabalakanyine ngayi bantu bakengina mu kukatala muyo, ngoboni baya batatikile kuyuvwa ncango za ziwahe, kaliha bengininemo ndaba ya kubula kukulupila.

7 Niho Nyambi kami ahatile mutena wamina ngayi, “Lelo.” Munyima ya shikati shashitali Nyambi wambile bya nou mutena kupitila muli Ndavita mazu tunamba ngayi, “Lelo oho mu kuyuvwa lizu lya Nyambi, hinga mukaluhisha mitima yenu.”

8 Ndaba shinga Yoshuwa wabapanine kukatala, Nyambi shinga kaliha watoyele mutena wamina.

9 Nohobene kunashala ku bantu ba Nyambi kukatala, nehi Nyambi akatalile ha mutena wa mutanu na abili.

10 Ndaba ou unengini mu kukatala kuyo Nyambi a kulupishile, ukakatala ku milimo yendi, ngonehe Nyambi eshe akatalile.

11 Nohobene twezekenu kwinginamo mu kukatala, kutina muntu wamina akakwanga nehi shiya bakwangile ndaba ya kubula kukulupila.

12 Ndaba lizu lya Nyambi lyenga lya kuyoya, likutenda milimo na ngovu, lyalitwe kupitakana mukwale wawutwe kubili, likuyaha kukuma kwaliwanina mutima na moyo na manungilo na minconco, lyayatanga bihanganiko na biheka bya bantu.

13 Kowa shibumbwabumbwa shikaholama ku meho a Nyambi, ngoboni byuma nimwabyo bya kulengiwa binafukuluku na ku shinkuluka ku meho wendi ou ukaholola milimo yetu nimwayo.


Yeshu Mukulwane Wamunene wa Bakankombela Nimwabo

14 Nohobene twezekenu kuzamina mu kukulupila kwetu. Ndaba tuli na Mukulwane wa Bakankombela Nimwabo, unayi na kukuminina kuli Nyambi, ou niye Kilishitu Mwana Nyambi.

15 Kaliha tuli na Mukulwane wa Bakankombela Nimwabo ukubula kutuyuvwila nceshe ndaba ya wuboto wetu, ngoboni Mukankombela wetu wa Mukulwane wezekiwile mu byuma nimwabyo ngo etu, kaliha watendele wubi.

16 Haya tuyenu na kukanca ku litanda lya Nyambi oku kuli nceshe za kuyavwa ha shikati sha kubula.

Libuka Lya Kuyela © Bible Society of Zambia, 2020.

Bible Society of Zambia
Lean sinn:



Sanasan