1 Byambo 6 - Libuka Lya Kuyela

Muhoko wa livumo lya Bakulwane ba Bakankombela nimwabo

¹ Bana ba Levi babalume bengile bahatu, ba Ngeshona na Kohati na Melali.

² Bana ba Kohati babalume banaa ba Amalama na Iza na Hembuloni na Uziyelu.

³ Bana ba Amalama babalume bengile babili ba Aloni na Moshesha nawa mbuyama Miliyamu. Bana ba Aloni babalume bengile banaa, ba Nandabi na Ambihu na Eliza na Itama.

⁴ Eliza wengile tata Fwinihashi, Fwinihashi wengile tata Ambishuwa.

⁵ Ambishuwa wengile tata Mbuki, Mbuki wengile tata Uzi.

⁶ Uzi wengile tata Zelahiya, Zelahiya wengile tata Melayoti.

⁷ Melayoti wengile tata Amaliya, Amaliya wengile tata Ahitumbi.

⁸ Ahitumbi wengile tata Zandoki, Zandoki wengile tata Ahimayazi.

⁹ Ahimayazi wengile tata Azaliya, Azaliya wengile tata Yohanani.

¹⁰ Yohanani wengile tata Azaliya, ou watendelenga mulimo mu Litala lya Nyambi elye azikile Mwene Sholomoni mu Yelushalema.

¹¹ Azaliya wengile tata Amaliya, Amaliya wengile tata Ahitumbi,

¹² Ahitumbi wengile tata Zandoki, Zandoki wengile tata Shaluma.

¹³ Shaluma wengile tata Hilikiya, Hilikiya wengile tata Azaliya,

¹⁴ Azaliya wengile tata Shelaya, Shelaya wengile tata Yehozandaki.

¹⁵ Mwene Nembukandineza watwalile Yehozandaki hamo na bantu bamina bamu Yunda namu Yelushalema, aba atandile Nyambi ya Ngula kuya mu wuntapwa.

Bazukulya Levi bamina

¹⁶ Levi wabelekele bana babalume bahatu, bengile ba Ngeshoma na Kohati na Melali.

¹⁷ Ngeshoma wabelekele bana babalume babili, ba Limbini na Shimeyi.

¹⁸ Kohati wabelekele bana babalume banaa, Amalama na Iza na Hembuloni na Uziyelu,

¹⁹ kami Melali wabelekele bana babalume babili, Mahili na Mushi. Awa niwo mavumo a balevi kuya na shihemunwino shabo.

²⁰ Aba nibo bengile bazukulya Ngeshoma, Limbini wengile tata Yahati, Yahati wengile tata Zima,

²¹ Zima wengile tata Yowa, Yowa wengile tata Indo, Indo wengile tata Zela, Zela wengile tata Yetelayi.

²² Aba nibo bengile bazukulya Kohati, Aminandabe wengile tata Kola, Kola wengile tata Ashila,

²³ Ashila wengile tata Elikana, Elikana wengile tata Embiyashafwi, Ambiyashafwi wengile tata Ashila,

²⁴ Ashila wengile tata Tahate, Tahate wengile tata Uliyele, Uliyele wengile tata Uziya, Uziya wengile tata Shaulu.

²⁵ Elikana wabelekele bana babalume babili, bengile Amashayi na Ahimoti.

²⁶ Aba nibo bazukulya Ahimoti kufuma ku shihemunwino kutwala ku shihemunwino. Elikana wengile tata Zofwayi, Zofwayi wengile tata Nahati,

²⁷ Nahati wengile tata Eliyambi, Eliyambi wengile tata Yelohama, Yelohama wengile tata Elikana.

²⁸ Shamwele wabelekele bana babili babalume mweli wengile Vashini na Ambiya wa kanuke.

²⁹ Aba nibo bazukulya Melali, Mahili wengile tata Limbini, Limbini wengile tata Shimeyi na Shimeyi wengile tata Uza,

³⁰ Uza wengile tata Shimeya, Shimeya wengile tata Hangiya, Hangiya wengile tata Ashaya.

³¹ Aba bengile bantu aba ayakile Mwene Ndavita kwinga bakakwimbilisha ku mwanya wakulemeshela Nyambi ya Ngula mu Yelushalema, oho Likwati lya kulimama lyatwaliwileko.

³² Baliyavwilenga shikati nimwasho ku mulimo waku ntanda yaku meho a Nyambi ya Ngula mu Yelushalema, hantu noho Mwene Sholomoni azikile Litala lya Nyambi.

³³ Muhoko wa baya ba lupashi bakwatile uyo mulimo bengile aba, ba livumo lya Kohati na Hemani, mwana Yowele wa mulume wengile mukakwimbilisha shipani sha kutatika sha bakakwimbila. Eshe nisho bahemuwile kuli Yakoba ou watumbiwile ngayi Ishalela. Muhoko wa ba lupashi lwendi bengile aba, Henana wengile mwana Yowele, Yowele wengile mwana Shamwele.

³⁴ Shamwele wengile mwana Elikana, Elikana wengile mwana Yelohama, Yelohama wengile mwana Eliyela wa mulume, Eliyela wengile mwana Towa.

³⁵ Towa wengile mwana Zufu, Zufu wengile mwana Elikana, Elikana wengile mwana Mahati, Mahati wengile mwana Amashayi.

³⁶ Amashayi wengile mwana Elikana, Elikana wengile mwana Yowele. Yowele wengile mwana Azaliya, Azaliya wengile mwana Zefwaniya.

³⁷ Zefwaniya wengile mwana Tahate, Tahate wengile mwana Ashila, Ashila wengile mwana Embiyashafwi, Embiyashafwi wengile mwana Kola.

³⁸ Kola wengile mwana Iza, Iza wengile mwana Izihale, Izihale wengile mwana Kohati na Kohati wengile mwana Levi, Levi wengile mwana Yakobo ou watumbiwile ngayi Ishalela.

³⁹ Ashafwi wengile mukakwimbilisha shipani sha wubili sha bakakwimbila. Eshe nisho bahemuwile kuli Levi. Muhoko wa ba lupashi lwendi bengile aba, Ashafwi wengile mwana Mbelekiya, Mbelekiya wengile mwana Shimeya,

⁴⁰ Shimeya wengile mwana Mayikulu, Mayikulu wengile mwana Mbaasheya, Mbayasheya wengile mwana Malikiya,

⁴¹ Malikiya wengile mwana Etini, Etini wengile mwana Zela, Zela wengile mwana Andayiya,

⁴² Andaya wengile mwana Etani, Etani wengile mwana Zima, Zima wengile mwana Shimeyi,

⁴³ Shimeyi wengile mwana Yahati, Yahati wengile mwana Ngeshoma, Ngeshoma wengile mwana Levi.

⁴⁴ Etani wamu livumo lya Melali wengile mukakwimbilisha shipani sha wuhatu sha bakakwimbila. Eshe nisho bahemuwile kuli Levi. Muhoko wa ba lupashi lwendi bengile aba, Etani wengile mwana Kishi, Kishi wengile mwana Ambindi, Ambindi wengile mwana Maluki,

⁴⁵ Maluki wengile mwana Hashabiya, Hashambiya wengile mwana Amaziya, Amaziya wengile mwana Hilikiya,

⁴⁶ Halikiya wengile mwana Amazi, Amazi wengile mwana Mbani, Mbani wengile mwana Shema.

⁴⁷ Shema wengile mwana Mahili, Mahili wengile mwana Mushi, Mushi wengile mwana Melali, Melali wengile mwana Levi.

⁴⁸ Baminabo Balevi bapanikiwile milimo yamina nimwayo yaku Litala lya Nyambi.

Bazukulya Aloni

⁴⁹ Aloni na bazukulyendi bapaninenga zintupu za lukumba lwa livumba lyaliwahe pe bakombelelenga zinkombela ziya zahokeshiwilenga ha kaala. Bekalile na ngovu ha kulemesha nimwako kwamu Mwanya Wakuzila Shikuma na zinkombela za kulyambwilisha wubi wa ishalela. Batendele nimwabyo ebye mu nzila eye abafundizizile Moshesha mukamulimo wa Nyambi.

⁵⁰ Owe niwo muhoko wa bazukulya Aloni. Aloni wengile tata Eliza, Eliza wengile tata Fwinihashi, Fwinihashi wengile tata Ambishuwa.

⁵¹ Ambishuwa wengile tata Mbuki, Mbuki wengile tata Uzi, Uzi wengile tata Zelahiya,

⁵² Zelahiya wengile tata Melayoti, Melayoti wengile tata Amaliya, Amaliya wengile tata Ahitumbi,

⁵³ Ahitumbi wengile tata Zandoki, Zandoki wengile tata Ahimayazi.

Litunga bazikilenga Balevi

⁵⁴ Eze nizo zimbalila za litunga zapanikiwile ku bazukulya Aloni bamu livumo lya Kohati. Batambwile shitapilo sha kutatika sha mbalila ya litunga shiya shapanikiwile ku Balevi.

⁵⁵ Shengile Hembuloni mu litunga lya Yunda na mabuyishilo azingulukako.

⁵⁶ Ngoboni mafuba na minzi biya byengile bya lukena, byapanikiwile kuli Kalembu mwana Yefuna.

⁵⁷ Eye niyo minzi yapanikiwile ku bazukulya Aloni. Yengile Hembuloni munzi wa kwitukila na Yatiya na minzi ya Limbina na Eshitemowa

⁵⁸ na Hileni na Ndembila

⁵⁹ na Ashani na Mbeti Shemeshi hamo na mabuyishilo wayo.

⁶⁰ Mu litunga lya Mbenjamani bapanikiwile minzi yamina hamo na mabuyishilo wayo, yengile Ngemba na Alemeti na Anatoti. Minzi eye nimwayo bazikile ba lupashi lwabo yengile minzi likumi na yihatu.

⁶¹ Minzi likumi yamu litunga lya Manashe waku Mponci yapanikiwile na kukuna nyela kuwingi wa mavumo a Kohati, ku ba lupashi na ba lupashi.

⁶² Ku ba livumo lya Ngeshoma bapanikiwile minzi likumi na yihatu ku ba lupashi na ba lupashi, mu matunga a Ishaka na Asha na Nafwitali na Manashe waku Mushamuko mu Mbashani.

⁶³ Mu nzila yimo, minzi likumi na yibili yamu matunga a Lubena na Ngandi na Zembuloni yapanikiwile ku mavumo a Melali, ku ba lupashi na ba lupashi,

⁶⁴ mu nzila eye bantu ba Ishalela bapanine minzi ya kuzika ku Balevi, hamo na mabuyishilo azinguluka minzi.

⁶⁵ Minzi yamu matunga a Yunda na Shimiyoni na Mbenjamani, eye yinatoyiwi, yapanikiwile na kukuna zinyela.

⁶⁶ Bamo ku ba lupashi ba ku mavumo a Kohati bapanikiwile na mabuyishilo mu litunga lya Efulemu.

⁶⁷ Shekemu wengile munzi wakwitukila wamu mapili a Efulemu na Ngeza

⁶⁸ na Yokimiyamu na Mbeti holoni

⁶⁹ na Ayaloni na Ngati Limoni.

⁷⁰ Mu litunga lya Manashe waku Mponci bapanikiwile minzi ya Anela Mbiliyamu na mabuyishilo azingulukako.

⁷¹ Balupashi bamu livumo lya Ngeshoma bapanikiwile minzi na mabuyishilo azingulukako. Mu litunga lya Manashe lya ku mushamuko bapanikiwile munzi wa Ngolani mu Mbashani na mabuyishilo wendi na litunga lya Ashitaloti na mabuyishilo wendi.

⁷² Mu litunga lya Ishaka bapanikiwile minzi ya Kendeshi na Ndembelati,

⁷³ na Lamoti na Anema.

⁷⁴ Mu litunga lya Asha bapanikiwile minzi ya Mashalu na Ambindoni

⁷⁵ na Hukoki na Lehombi.

⁷⁶ Mu litunga lya Nafwitali bapanikiwile minzi ya kendeshi wamu Ngalileya na Hamoni na Kiliyatayimu.

⁷⁷ Balevi bamina bashalileho bazukulya Melali, bapanikiwile minzi eye hamo na mabuyishilo azingulukako. Mu litunga lya Zembuloni yengile Limoni na Tambola.

⁷⁸ Mu litunga lya Lubena ku mushamuko wa mushinzi wa Yondana mu nciza ya Yeliko yengile Mbezela ha litunga lya kukankama na Yahaza,

⁷⁹ na Kendemoti na Mefwati.

⁸⁰ Mu litunga lya Ngandi yengile Lamoti mu Ngiliyande na Mahanayima

⁸¹ na Heshimboni na Yaza.