1 Byambo 4 - Libuka Lya Kuyela

Bazukulya Yunda

¹ Aba bengile bamo ba ku bazukulya Yunda, bengile ba Pelizi na Heziloni na Kalimi na Hula na Shobala.

² Shobala wengile tata Leiya, Leiya wengile tata Yahati, Yahati wengile tata Ahumayi na Lahandi, aba bengile kami bankaka za bantu aba bazikilenga mu Zola.

³ Etami wabelekele bana babalume bahatu, bengile ba Yezilelu na Ishima na Indimbashi na mwana wa mbuyama umo wengile Hazeleliponi.

⁴ Penuwelu wengile tata Ngendoli na Eza wengile tata Husha. Aba bengile bazukulya Hula, mweli wa Efulata na tata Mbetelehema.

⁵ Ashihuli wengile tata Tekoya, wekalile na bakazendi babili bengile Hela na Naala.

⁶ Ashihuli na Naala babelekele bana babalume banaa, bengile ba Ahuzamu na Hefwa na Temeni na Hayahashitali.

⁷ Ashihuli na Hela babelekele bana babalume bahatu, bengile ba Zeleti na Zoha na Etinani.

⁸ Kozi wengile tata Anubu na Zobeba na nkaka ya mavumo aya atutikile kuli Ahalihelu mwana Haluma.

⁹ Kwekalile mulume watumbiwile ngayi Yambezi, ou wengile muntu wamuleemu shikuma ku ba lupashi lwendi. Mandiyendi wamutumbile ngayi Yambezi ndaba wamonene makando shikuma ha kumubeleka.

¹⁰ Yambezi walombelele kuli Nyambi wa Ishalela ngayi, “Ntandalishe, Obe Nyambi na kumpana litunga lyalinene, wikalenga hamo na nami na kunkoweza ku byuma biya bikushinga kumbipisha hinge kunkolesha.” Pe Nyambi wamupanikile ebye alombelele.

Mihoko ya ba lupashi bamina

¹¹ Kalembu kawushinda wa Shuha, wabelekele mwana wa mulume Mehili. Mehili wengile tata Eshitoni.

¹² Eshitoni wabelekele bana babalume bahatu, bengile ba Mbetilafwa na Pasheya na Tahinina. Tahinina wengile tata Ili Nahashi. Bazukulya bantu aba bazikilenga mu Leka.

¹³ Kenazi wabelekele bana babalume babili, bengile ba Otiniyele na Shelaya. Otiniyele kami wabelekele bana babalume babili, bengile ba Hatati na Meyonotayi.

¹⁴ Meyonotayi wengile tata Ofwila. Shelaya wengile tata Yowambu, Yowambu wengile tata Ngehalashima, babatumbile noho ndaba bengile bawutungu.

¹⁵ Kalembu mwana Yefuna wabelekele bana babalume bahatu, bengile ba Ila na Ela na Naama. Kami Ela wengile tata Kenazi.

¹⁶ Yehalelelu wabelekele bana babalume banaa, bengile ba Zifu na Zifwa na Tiliya na Ashalela.

¹⁷ Ezila wabelekele bana babalume banaa, bengile ba Yeta na Melendi na Efwila na Yaloni. Melendi wayekele Mbitiya mwana mwene waku Engepita, pe wabelekele mwana wa Mbuyama Miliyamu na bana babalume babili na Shamayi na Ishiba. Ishiba wengile tata Eshitemowa.

¹⁸ Melendi kami wayekele mbuyama waku mushobo wa Yunda, pe wabelekele bana babalume bahatu, bengile ba Yalendi ou wengile tata Ngendoli na Hemba, ou wengile tata Shoko na Yekutiyelu ou wengile tata Zanowa.

¹⁹ Hondiya wayekele Mpanza Nahamu. Ku bazukulyabo nikwo kwafumine livumo lya Ngalimi, ou wengile tata Keyila na Maaka uya wengile tata Eshitemowa.

²⁰ Shimoni wabelekele bana babalume banaa, bengile ba Aminoni Lina na Mbenihanani na Tiloni. Ishi wabelekele bana babalume babili, bengile ba Zoheti na Mbenzoheti.

Bazukulya Shela

²¹ Shila umo waku bana ba Yunda babalume. Bazukulyendi bengile Ela ou wengile tata Leka na Landa ou wengile tata Malesha na mavumo a bakamilimo ya kutenda wutonge wakulelema, aba bazikilenga mu munzi wa Mbeti Ashimbeya,

²² Yokimu na bantu aba bazikilenga mu munzi wa Kozemba na Yowashi na Shalafwi, ou washimbile bambuyama Bamowambi niho kami bazikilenga mu Mbetelehema. Ebye byengile byambo bya mwaka shikuma.

²³ Bengilenga bakakubumbila mwene zinyungu, pe bazikilenga mu minzi ya Netayima na Ngendela na kutendela mwene.

²⁴ Shimiyoni wabelekele bana babalume mutanu, bengile ba Nemuwele na Yamini na Yalimbu na Zela na Shaulu.

²⁵ Mwana Shaulu wa mulume wengile Shaluma ou wengile tata Mimbishamu, Mimbishamu, wengile tata Mishima.

²⁶ Mishima wengile nkaka ya mavumo aba Hamuwele na Zakula na Shimeyi.

²⁷ Shimeyi wabelekele bana babalume likumi na mutanu na umo, kami mutanu na umo bengile babambuyama, ngoboni bawushinda wendi babelekele bana babashe shikuma. Pe haya ba mushobo wa Shimiyoni kaliha bengile babengi ngonehe bengile ba mushobo wa Yunda.

²⁸ Kukuma ku shikati sha Mwene Ndavita bazukulya Shimiyoni bazikilenga mu minzi eye ya Mbelishemba na Molanda na Halisha na Haza Shuwali,

²⁹ na Mbiliha na Ezema na Tolandi

³⁰ na Mbetuwele na Homa na Zikilangi

³¹ na Mbeti Makamboti na Haza Shushimu na Mbetimbili na Shaalayima. Eye niyo yengile minzi yabo hantu ha kulela kwa Ndavita.

³² Niho kami bazikilenga mu zimbalila zamina mutanu, Etami na Ayina na Limoni na Tokeni na Ashani

³³ na minzi ya zingulukako, kukakuma naku mabukubuku aku mponci naku munzi wa Mbaalu. Ebye nibyo byambo bya ba lupashi na kuzimbalila oko bazikilenga.

³⁴ Aba nibo bengile bakulwane ba mavumo wabo, ba Meshombambi na Yamuleki na Yosha mwana Amaziya

³⁵ na Yowele na Yehu mwana Yoshimbiya ou wengile mwana Shelaya mwana Ashiyelu.

³⁶ Eliyonayi na Yaakomba na Yeshohaya na Ashayiya na Andiyelu na Yeshimiyelu na Mbenaya

³⁷ na Ziza mwana Shifwi ou wengile mwana Alona muzukulya Yendaya na Shimili na Shemaya.

³⁸ Ndaba ba lupashi lwabo bahemunwine,

³⁹ pe bapanzanine kulwa mponci kwakwipi naku Ngendoli kami babuyishililenga bambelele babo ku mbalila yaku mushamuko wa mukulo omu mwazikiwile uya munzi.

⁴⁰ Bawanine matunga a wilo akubuyishila kuyo ku litunga lya mbuwa yayinene kuya kwengile kwaku mwena hulutuu. Bantu bazikilengako ha kutatika bengile ba Hamu.

⁴¹ Ha shikati sha Hezekiya mwene wamu Yunda, bantu aba banatoyiwi bayile ku Ngela na kunongesha zintanda na matala a bantu bekalilenga kuyo. Batandileko bantu, pe bazikileko ndaba kwekalile mabuyishilo a bambelele babo.

⁴² Litanga lya myanda mutanu ya mushobo wa Shimiyoni bayile ku mushamuko ku Endoma. Babatwalileko bana ba Ishi babalume, bengile ba Pelatiya na Neyaliya na Lefwaya na Uziyelu.

⁴³ Bakazihile bampuluki ba Baamaleki pe bazikililile kuyo.