1 Byambo 3 - Libuka Lya Kuyela

Bana ba Mwene Ndavita

¹ Awa niwo mazina a bana babalume ba Ndavita aba bahemuwile oho ekalilenga mu Hembuloni. Mweli wendi wengile Aminoni, mandiyendi wengile Ahinoma waku Yezilelu. Wa wubili wengile Ndanyele ou mandiyendi wengile Ambingelu waku Kamela.

² Mwanendi wa wuhatu wengile Ambishalome, mandiyendi wengile Maaka mwana Mwene Talimayi wa ku Ngeshula. Mwanendi wa wunaa wengile Andoniya, mandiyendi wengile Hangati.

³ Mwanendi wa mutanu wengile Shefwatiya, mandiyendi wengile Ambitali. Mwanendi wa mutanu na umo wengile Itileyemu mandiyendi wengile Engila.

⁴ Nimwabo aba mutanu na umo bahemuwilile mu Hembuloni shikati sha myaka mutanu na yibili na shitika oho Ndavita ushili kulela mu Hembuloni. Mwene Ndavita walelele mu Yelushalema myaka makumi ahatu na yihatu,

⁵ pe wabelekelelemo bana babengi. Mukazendi Mbatishuwa mwana Amiyelu, wamubelekelele bana babalume banaa, bengile ba Shimeya na Shobabu na Natani na Sholomoni.

⁶ Mwene Ndavita wabelekele bana babalume bamina mutanu na banaa, bengile ba Imbaha na Elishama na Elifweleti,

⁷ na Nongahi na Nefwengi na Yafwiya,

⁸ na Elishama na Eliyanda na Elifweleti

⁹ Ku naba bana babalume nimwabo, Ndavita wabelekele bana babalume ku bakazendi bakwinginina. Kami wabelekele mwana wa mbuyama watumbiwile ngayi Tamale.

Bazukulya Mwene Sholomoni

¹⁰ Uno niwo muhoko wa mazina a bazukulya Mwene Sholomoni, Sholomoni wabelekele Lehombowami, Lehombowami wabelekele Ambiya, Ambiya wabelekele Asha, Asha wabelekele Yehoshafwati.

¹¹ Yehoshafwati wabelekele Yolamu, Yolamu wabelekele Ahaziya, Ahaziya wabelekele Yowashi.

¹² Yowashi wabelekele Amaziya, Amaziya wabelekele Uziya, Uziya wabelekele Yotamu.

¹³ Yotamu wabelekele Ahazi, Ahazi wabelekele Hezekiya, Hezekiya wabelekele Manashe.

¹⁴ Manashe wabelekele Amoni, Amoni wabelekele Yoshiya.

¹⁵ Yoshiya wabelekele bana babalume banaa, bengile ba Yohanani na Yehoyakimu na Zendekiya na Yowahazi.

¹⁶ Yehoyakimu, wabelekele bana babalume babili, bengile ba Yekoniya na Zendekiya.

Bazukulya Mwene Yehoyakini

¹⁷ Aba nibo bazukulya Mwene Yehoyakini ou watwaliwile mu wuntapwa na Bakambambiloniya. Yehoyakini wabelekele bana babalume mutanu na babili, bengile ba Shelatiyele,

¹⁸ na Malikilama na Pendaya na Shenaza na Yekamiya na Hoshama na Nendambiya.

¹⁹ Pendaya wabelekele bana babalume babili, bengile ba Zelumbambelu na Shimeyi. Zelumbambelu wabelekele bana babalume babili, bengile ba Meshulama na Hananiya na mwana umo wa mbuyama Shelomiti.

²⁰ Wabelekele kami bana babalume bamina mutanu, bengile ba Hashumba na Ohelu na Mbelekiya na Hashandiya na Yushambu Heshendi.

²¹ Hananiya wabelekele bana babalume babili, bengile ba Pelatiya na Yeshaya. Yeshaya wengile tata Lefwaya, Lefwaya wengile tata Alinani, Alinani wengile tata Ombandiya, Ombandiya wengile tata Shekaniya.

²² Shekaniya wabelekele mwana wa mulume umo Shemaya na bazukulu babalume mutanu, bengile ba Hatushi na Ingalu na Mbaliya na Neyaliya na Shafwati.

²³ Neyaliya wabelekele bana babalume bahatu, bengile ba Eliyonayi na Hezekiya na Azilikamu.

²⁴ Eliyonayi wabelekele bana babalume mutanu na babili, bengile ba Hondabiya na Eliyashimbu na Pelayiya na Akumbi na Yohanani na Ndelaya na Anani.