1 Byambo 25 - Libuka Lya Kuyela

Bakakuwela mu litala lya Nyambi

¹ Mwene Ndavita na bakakutwaminina ba Balevi bahatile ano mavumo a Balevi mukwendesha milimo ya kulemesha. Bengile ba Ashafwi na Hemani na Yendutani. Bembililenga mazu a Nyambi, kwendelela hamo na nyimbo zaha tumbuli na mikwashi. Owe niwo muhoko wa bantu baya bapiwile kwendesha mulimo wakulemesha, kuya ngo mushobo wa mulimo ou watendelenga likunge na likunge.

² Bana ba Ashafwi bengile banaa ba Zakula na Yoshefwa na Netaniya na Ashalela. Bendeshiwilenga kuli Ashafwi, ou wembililenga mazu a Nyambi shikati nimwasho oho mwene alayilenga.

³ Bana ba Yendutani bengile mutanu na umo, ba Ngendaliya na Zeli na Yeshaya na Shimeyi na Hashambiya na Matitiya. Mukwendeshiwa kwa tatiyabo bembililenga lizu lya Nyambi na kwendelela hamo na nyimbo zaha tumbuli, pe bembililenga na kuyemeza na kukambilila kuli Nyambi ya Ngula.

⁴ Bana ba Hemani babalume bengile Likumi na banaa, ba Mbukiya na Mataniya na Uziyelu na Shebuwelu na Yelimoti na Hananiya na Hanani na Eliyata na Ngindalati na Lomamiti Eza na Yoshimbekasha na Malaloti na Hotila na Mahaziyoti.

⁵ Nyambi wapanine Hemani muluwe wa mwene aba bana babalume likumi na banaa na bana babambuyama kami bahatu, ngonehe a kulupishile ngayi mwanga bapanike Hemani ngovu.

⁶ Aba bana bendi babalume nimwabo bambetelenga mikwashi na tumbuli mu kufundiziza kwa tatiyabo, kwendelela hamo na kulemesha kwamu Litala lya Nyambi. Ashafwi na Yendutani na Hemani bendeshiwilenga mu ndayano za kuli Mwene Ndavita.

⁷ Aba bantu nimwabo 24 bengile ba kukokoka ku milimo na baminabo Balevi bengile bakakuwela bawulongo. Nimwabo bengile 288.

⁸ Nimwabo bashingishishile na kukuna zinyela ngayi milimo yipanikiwe shiwahe, hinge ndi bengile bandumbana hinge bakulwane, hinge ba kukokoka ku milimo hinge bashili kutatika.

⁹ Aba bantu 288 babatapulwile mu mihoko ya tunzunga 24. Nyela ya kutatika yawililile hali Yoshefwa wamu lupashi lwa Ashafwi na bana bendi babalume hamo na bawushinda wendi. Nyela ya wubili yawililile hali Ngendaliya na bana bendi babalume hamo na bawushinda wendi.

¹⁰ Nyela ya wuhatu yawililile hali Zakula na bana bendi babalume hamo na bawushinda wendi.

¹¹ Nyela ya wunaa yawililile hali Izili na bana bendi babalume hamo na bawushinda wendi.

¹² Nyela ya mutanu yawililile hali Netaniya na bana bendi babalume hamo na bawushinda wendi.

¹³ Nyela ya mutanu na yimo yawililile hali Mbukiya na bana bendi babalume hamo na bawushinda wendi.

¹⁴ Nyela ya mutanu na zibili yawililile hali Ashalela na bana babalume hamo na bawushinda wendi.

¹⁵ Nyela ya mutanu na zihatu yawililile hali Yeshaya na bana bendi babalume hamo na bawushinda wendi.

¹⁶ Nyela ya mutanu na zinaa yawililile hali Mataniya na bana bendi babalume hamo na bawushinda wendi.

¹⁷ Nyela yawulikumi yawililile hali Shimeyi na bana bendi babalume hamo na bawushinda wendi.

¹⁸ Nyela ya wulikumi na yimo yawililile hali Azalelu na bana bendi babalume hamo na bawushinda wendi.

¹⁹ Nyela ya wulikumi na zibili yawililile hali Hashambiya na bana bendi babalume hamo na bawushinda wendi.

²⁰ Nyela ya wulikumi na zihatu yawililile hali Shebuwelu na bana bendi babalume hamo na bawushinda wendi.

²¹ Nyela yawu mutanu na kanaa yawililile hali Matitiya na bana bendi babalume hamo na bawushinda wendi.

²² Nyela yawu 15 yawililile hali Yelemoti na bana bendi babalume hamo na bawushinda wendi.

²³ Nyela yawulikumi na mutanu na yimo yawililile hali Hananiya na bana bendi babalume hamo na bawushinda wendi.

²⁴ Nyela ya wulikumi na mutanu na zibili yawililile hali Yoshimbekasha na bana bendi babalume hamo na bawushinda wendi.

²⁵ Nyela ya wulikumi na mutanu na zihatu yawililile hali Hanani na bana bendi babalume hamo na bawushinda wendi.

²⁶ Nyela yawulikumi na mutanu na zinaa yawililile hali Malaloti na bana bendi babalume hamo na bawushinda wendi.

²⁷ Nyela ya wumakumi abili na yimo ya yawililile hali Eliyata na bana bendi babalume hamo na bawushinda wendi

²⁸ Nyela ya wumakumi abili na yimo yawililile hali Hotila na bana bendi babalume hamo na bawushinda wendi.

²⁹ Nyela ya wumakumi abili na zibili yawililile hali Ngindalati na bana bendi babalume hamo na bawushinda wendi.

³⁰ Nyela ya wumakumi abili na zihatu yawililile hali Mahaziyoti na bana bendi babalume na bawushinda wendi.

³¹ Nyela ya makumi abili na zinaa yawililile hali Lomamiti Eza na bana bendi babalume hamo na bawushinda wendi.