1 Byambo 24 - Libuka Lya Kuyela

Milimo yapanikiwile ku bakankombela

¹ Makunge awa nikwo kwatutikile bazukulya Aloni. Aloni wabelekele bana banaa, bengile ba Nandabi na Ambihu na Eliza na Itama.

² Nandabi na Ambihu bafwile oho tatiyabo shilolo afwe, kami babulile ku shiya bazukulu, pe bayayizabo ba Eliza na Itama bengile bakankombela.

³ Mwene Ndavita wayakile bazukulya Aloni mu makunge, kwezeka ngonehe ku milimo yabo. Bamuyavwilenga ku nowo mulimo bengile ba Zandoki muzukulya Eliza na Ahimeleki muzukulya Itama.

⁴ Bazukulya Eliza bayakiwile mu makunge 16, pe bazukulya Itama bayakiwile mu makunge mutanu na ahatu. Eshe shatendiwile ndaba kwekalile ba lupashi babengi bengile bakulwane hakati ka bazukulya Eliyazala.

⁵ Ha kuwana ngayi kwekalile babilolo bamu Litala lya Nyambi na bakakutwaminina mu mulimo wa Nyambi hakati ka bazukulya Eliza na Itama, pe mazina ahatiwilenga na kukuna zinyela.

⁶ Niho batikitiwile kuli Shemaya mwana Natanele wakutikita wa Shilevi. Mwene Ndavita na babilolo bendi na mukankombela Zandoki na Ahimeleki mwana Ambiyatale na bakulwane ba mapashi a bakankombela na mavumo a Balevi, nimwabo bengile bapaki.

⁷ Eshe nisho bapanikile milimo ku tunzunga twa mapashi 24. Nyela ya kutatika yawilile hali Yehoyalimbi. Nyela ya wubili yawilile hali Yendaya.

⁸ Nyela ya wuhatu yawilile hali Halimu. Nyela ya wunaa yawilile hali Sheyolima.

⁹ Nyela ya mutanu hali Malikiya. Nyela ya mutanu na yimo yawilile hali Miyamini.

¹⁰ Nyela ya mutanu na zibili yawilile hali Hakozi. Nyela ya mutanu na zihatu yawilile hali Ambiya.

¹¹ Nyela ya mutanu na zinaa yawilile hali Yeshuwa. Nyela ya wulikumi yawilile hali Shekaniya.

¹² Nyela ya likumi na yimo yawilile hali Eliyashimbu. Nyela ya likumi na zibili yawilile hali Yakimu.

¹³ Nyela ya likumi na zihatu yawilile hali Hupa. Nyela ya likumi na zinaa yawilile hali Yeshembeyambi.

¹⁴ Nyela ya likumi na mutanu yawilile hali Mbilinga. Nyela ya likumi na mutanu na yimo yawilile hali Imele.

¹⁵ Nyela ya likumi na mutanu na zibili yawilile hali Heziya. Nyela ya likumi na mutanu na zihatu yawilile hali Hapizezi.

¹⁶ Nyela ya likumi na mutanu na zinaa yawilile hali Petahiya. Nyela ya makumi abili yawilile hali Yehezikelu.

¹⁷ Nyela ya makumi abili na yimo yawilile hali Yakini. Nyela ya makumi abili na zibili yawilile hali Ngamula.

¹⁸ Nyela ya makumi abili na zihatu yawilile hali Ndelaya. Nyela ya makumi abili na zinaa yawilile hali Maaziya.

¹⁹ Aba balume nibo batikitiwile ngonehe bapanikiwile milimo ha kuya ku Litala lya Nyambi mu kutendanga milimo eye yashumishiwile kuli nkaka yabo Aloni. Aloni wombatalile ndayano za Nyambi ya Ngula, Nyambi wa Ishalela.

Muhoko wa Balevi

²⁰ Aba banengi bakulwane bamina ba mapashi aba bahemuwile kuli Levi. Amalama wengile tata Shebuwelu, muzukulyendi wengile Yendiya.

²¹ Mwana wakutatika Ishiya wengile muzukulya Lehabiya.

²² Iza wengile tata Shelomoti, muzukulyendi wengile Yahati.

²³ Bana ba Hembuloni babalume, kuya ngo omu balilundaminine, bengile ba Yeliya na Amaliya na Yahaziyelu na Yekamiyamu.

²⁴ Uziyelu wengile tata Mika, muzukulyendi wengile Shamiya.

²⁵ Ishiya mukonzo wa Mika, wengile tata Zakaliya.

²⁶ Bazukulya Melali bengile Mahili na Mushi. Bazukulya bana bendi bengile Yaziya.

²⁷ Yaziya wabelekele bana bahatu, bengile ba Shohama na Zakula na Imbili.

²⁸ Mahili wabelekele bana babalume babili bengile ba Eliza na Kishi. Eliza wabulile bana babalume.

²⁹ Ngoboni Kishi wabelekele mwana wa mulume umo Yelahamela.

³⁰ Mushi wabelekele bana babalume bahatu, bengile ba Mahili na Enda na Yelimoti. Aba banengi ba lupashi lwa Balevi.

³¹ Bakulwane ba mapashi bezekelele hamo na bakonzo babo, bakunine zinyela ha kupanikiwa kwabo mulimo, ngonehe shiya batendele bawushinda wabo bakankombela batutika kuli Aloni. Mwene Ndavita na Zandoki na Ahimeleki, hamo na bakulwane ba mapashi a bakankombela na Balevi bengile bapaki.