Matta 1 - Lala NT

Tuwa Yeso Almaseho wa

¹ U nwa likarkar tuwa Yeso Almaseho au Dauda ya, au Ibrahim ya.

² Ibrahim yǝ haa Ishaku, Ishaku yǝ haa Yakubu, Yakubu yǝ haa Yahuda ma koɓɓisa,

³ Yahuda yǝ haa Feresa ma Zera. Maa ɓose ndǝ Tamar, Feresa yǝ haa Hesruna, Hesruna yǝ haa Aram,

⁴ Aram yǝ haa Amminadab, Amminadab yǝ haa Nashon, Nashon yǝ haa Salmon.

⁵ Salmon yǝ haa Boaza. Maasi ndǝ Rahab. Boaza yǝ haa Obida, Maasi ndǝ Rut, Obida yǝ haa Yesse,

⁶ Yesse yǝ haa kuɓu Dauda. Dauda yǝ haa Sulemanu. Maasi ɗǝm ka ǝn toone Uriya ya.

⁷ Sulemanu yǝ haa Rehobowam, Rehobowam yǝ haa Abiya, Abiya yǝ haa Asa,

⁸ Asa yǝ haa Yehoshafat, Yehoshafat yǝ haa Yoram, Yoram yǝ haa Azariya,

⁹ Azariya yǝ haa Yotam, Yotam yǝ haa Ahaz, Ahaz yǝ haa Hezekiya,

¹⁰ Hezekiya yǝ haa Manassa, Manassa yǝ haa Amon, Amon yǝ haa Yosiya,

¹¹ Yosiya yǝ haa Yekoniya ma ɓaata ɓisa, a fer ɓaa haa ɓǝsǝ a ko a hooto Babila wa.

¹² Ndiira ɓaa ko ɓǝsǝ a hooto Babila wa, Yekoniya yǝ haa Sheyaltiyel, Sheyaltiyel yǝ haa Zarubabel,

¹³ Zarubabel yǝ haa Abihudu, Abihudu yǝ haa Eliyakim, Eliyakim yǝ haa Azuro,

¹⁴ Azuro yǝ haa Zadok, Zadok yǝ haa Akimu, Akimu yǝ haa Aliyuda,

¹⁵ Aliyuda yǝ haa Eleyazara, Eleyazara yǝ haa Matana, Matana yǝ haa Yakubu,

¹⁶ Yakubu yǝ haa Yusufu ker Maryamu ya, yaa yǝ haasǝ Yeso ya, yaa ɓan yarsǝsǝ me Almaseho ya.

¹⁷ Tuwa Ibrahim wa awo a tuwa Dauda wa nsaad ndǝ tuwa pu nhaa kurun, niinyo a fer Dauda wa a wo a fer ɓaa koɓǝsǝ a hooto Babila wa tuwa pu nhaa kurun. Niinyo a fer haa ɓǝsǝ ko Babila wa a wo a fer Almaseho wa tuwa pu nhaa kurun.

Haa Yeso wa

¹⁸ U nwa ǝn ɗǝɗa ɓaa haasǝ Yeso Almaseho ra. A fer Yusufu yǝn taasǝ Maryamu maa Yeso ya wa, si ɓaa konsǝ sundura ra, pa aa wǝr yǝ ma kuɗa u Wis Kaa wa ya.

¹⁹ Si Yusufu kerisi ǝn yaa ɓongtǝra ya, ɗǝm yǝ yau me yaa na ɗuura nwaara a ɓeta ra, pa yǝ sen me kiyaa lee a nhuukǝra.

²⁰ Pa yaa senda nding, pa antimira Ankundi ya, yǝ wo a sani a rotǝma yaa nkee me, “Yusufu au Dauda ya, ngǝ kong kura kokto kon toonange Maryamu wa ra, me au a kuɗa ira ya fiɗ a Wis Kaa wa ni.

²¹ Kiyǝ haa auwe parara, kǝnga ti ɗǝnda me Yeso me kiya kon nkweera ɓet ɓisa a tentenato ɓoso.”

²² Mbu sǝsa nsaad tom me a kung mbu Ankundi nkeesǝ ma lau an nawanto ya me,

²³ “Autoone kiya too kuɗa yǝ haa auwe parara, ɓaa ka ti ɗǝnda me Immanuwel” Ən senme, “Kaa yǝ ke ma ndase”

²⁴ Pa Yusufu nisǝ a munda wa yǝ ɓǝɗ mbu antimira Ankundi ya nkeesǝsǝ ɓa, yǝ too Maryamu meen toonesi ɓǝ ko ɗuuru.

²⁵ Pa yǝ maasǝ me yǝ toone ra, ndub ndiira fer yǝ haasǝ auwe parara wa, pa yaa ti ɗǝnda me Yeso.