Luka 3 - Lala NT

Yohanna an Baptisma ya yǝ warkǝ ɗǝɗa

¹ A meera puu haa wonon ndǝ u kuɓsutu Kaisar Tibariya wa, Buntus Bilatus yǝn ngwamna Yahudiya wa. Hiridus yǝn tom kuɓsutu Galili wa eɗ isi Filibus yǝn tom kuɓsutu Ituriya ma Tarkunitas wa, Lisaniyas yǝn tom kuɓsutu Abiliya wa.

² Fersusu pa Hanana ma Kayafa ǝndǝ ɓan nek mbusa kwang kwang sa, Kaa yǝ na mara wo Yohanna au Zakariya ya a sanglo.

³ Pa yǝ ɓaɗ nsaad a putsa leurǝsǝ Urdun sa, yǝn nkee mara kwalari ra, u kon nfaata wa me ɓǝ lee a tenatenato ɓoso.

⁴ Nga ɓaa nyorsǝ a likarkar an nawanto Ishaya wa, me, “Kwaro yaa yarma a sanglo yǝn nkee me, ‘Sǝ sǝk ɗǝɗa meen Ankundi, Sǝ nǝɗkǝ ɗǝta kǝɗ meen sase.’ ”

⁵ Sǝ kung serserta a ookǝ ɗungate, ma kola a werkǝ ɗǝɗa loosǝra, a werkǝ ɗǝɗa sem kwalari ra me yǝ tom kwalari.

⁶ Nsaad ɓeta kǝɓǝ wǝr kon nkweera Kaa wa.”

⁷ Pa Yohanna yǝ nkee, ɓaa ɓǝ kausǝ me yǝ ɓǝ tom Baptisma ɓa yǝ ɓǝ nkee me, “Saa hurtaa, yaa nkeesǝ ni me sǝ mon nfiima ka wo a sani ɓau?

⁸ Sǝ tom tinima u kaa weɗa me sǝ kon nfaatan nwa. Ɗǝm sǝ nti sǝ nkee nkweerase me, ‘Ibrahim ndǝ Paate ra.’ Pa nǝn nkeesǝ me hana a dungate ya Kaa kiya nkaa yǝ hik emba Ibrahim.

⁹ Ɓaa wee ti kate wa a kunda ɓota ran, ɗǝm nsaad ɓot yǝ nsee emba yaɓ ra ɓa, ɓaa ka ɗǝǝ a putu a ti a ara.”

¹⁰ Pa ɓeta ɓǝ taa ɓǝ nkee me, “Ya pa kǝta tom tomniu?”

¹¹ Yohanna ya kak ya nkee me, “Yayǝsǝ ma luktu raɓ ya ya ngwaɗ yayǝ sǝmsǝra ya, yayǝsǝ ma mbuseya ya sese ɗǝm ya pa ate kǝn.”

¹² Ɓan kon samra ɓa ɓǝ wo me yǝɓǝ tom baptisma ɓa taa ɓǝ nkee me, “Malǝm kǝtǝ tom tomniu?”

¹³ Yǝɓǝ kak ya nkee me, “Sǝ kon mbu faɗsǝ mbu ɓaa nkeesǝ me sǝ kon ɓa ra?”

¹⁴ Sosamse ɓosa ɗǝm ɓǝ taa ɓǝ nkee me, “Wato kau, tǝ tom mbiu?” Yǝɓǝ kak ya nkee me, “Sǝ tii ɓeta ma kwakwato ɓǝsǝ na koɓaa ra, sǝ pa paara a ɗuura ɓeta ra ra, sǝ hima ma mbu ɓan kwansǝsǝ ɓa.”

¹⁵ Ka ɓan war wo Krisiti wa, pa ɓeta nsaad ɓǝn sen ɓǝ nkee me ma Yohanna ndǝ saye Krisiti tiu?

¹⁶ Pa Yohanna yǝ ɓǝ nkee nsaad ya nkee me, “Nase nǝn tomsǝ baptisma ma mbraa. Pa yaake kǝn u yǝ faɗ nǝsǝ kwangto ya kiyǝ wo, u hana kurti taa isa ya nǝ nkaa nǝ kee ra. Ən sase kǝyǝ sǝn tom baptisma ma Wis Kaa wa ma ara.

¹⁷ Yǝma nkoo ree usu a nem isi, me yǝ ree koma, ɗǝm kiyǝ kwau nse isi a pinɗo ɗǝm yǝ kǝɗ sangsangta ma ara u loora wa.”

¹⁸ Ma ɗǝta ɓolɓol Yohanna yǝ nkeesǝ mara Kaa ra ɓeta wa.

¹⁹ Pa Yohanna ya nkwaakǝ kuɓu Hiridus me sase Hiridus yǝ kon Hirudiya toone kobɓǝsi ya sa yǝ woɗa Filibus ya ɗǝm yǝ tom mbu sem kwalari ra ɓa.

²⁰ A feɗefeɗe isi Hiridus yǝ tǝblǝ mara ma mbu yǝ nkeesǝ me a maa Yohanna a kuɓlǝ ɓa.

Ɓa tom baptisma Yeso

²¹ Ɓaa feɗsǝ tom baptisma ɓeta nsaad wa, Yeso kǝn a tom baptisma. Pa yǝn kǝnǝsǝ Kaa wa, liura a wili,

²² pa Wis Kaa wa a ham a sani mbu ka ɓa nga tǝlko, pa kwarko a fiɗaa liura, yǝ nkee me, “Ngǝ auwane yaa nǝn yausǝsǝ ya, nǝn hur kuɗa ma sase dem.”

²³ Fer Yeso yǝ tiisǝ fǝɗkǝra wa yǝ ma meta puu haa taatǝn a ɓeta ɓaa toosǝ me ǝndǝ au Yusufu ya u yǝsǝ au Heli ya wa.

Sirta Yeso ta

²⁴ Heli au matat ya, Matat au Lawi ya, Lawi au Malkia ya, Malki au Yannaya, Yanna au Yusufu ya,

²⁵ Yusufu au Matatiya, Matatiya au Amos ya, Amos au Nahum ya, Nahum au Azaliya ya, au Najaya,

²⁶ Naja au Mataya au Malatiya au Shimeya ya, Shimeya au Josek ya Josek au Yahuda ya,

²⁷ Yahuda au Yowanaya, Yuwanan au Refaya ya, Refaya au Zarubabel ya, Zarubabel au Sheyatiyel ya, Sheyatiyel au Nir ya,

²⁸ Nir au Malkiya, Malki au Addi ya, Addi au Kosamaya, Kosama au Almadama ya, Almadama au Er ya

²⁹ Er au Joshuwa ya, yoshuwa au Eliyezere ya, Eliyezer au Yorim ya, Yorim au Matatya, matat au Lawi ya

³⁰ Lawi au Simon ya, Simon au Yahuda ya, Yahuda au Yusufu ya, Yusufu au Yohanna ya, Yohanna au Eliyakim ya,

³¹ Eliyakim au Malaya ya, Malaya au Mainana ya, Malnana au Matataya Matata au Nathan ya, Nathan au Dauda ya,

³² Dauda au Yesse ya, Jesse au Obida ya, Obida au Boaza ya, Boaza au Salmon ya, Salmon au Nashan ya,

³³ Nashan au Amminadab ya, Amminadab au Aram ya, Aram au Hesrunaya, Hesruna au Feresaya ya Feresa au Yahuda ya

³⁴ Yahuda au Yakubu ya, Yakubu au Ishaku ya Ishaku au Ibrahim ya Ibrahim au Tera ya, Tera au Nahor ya.

³⁵ Nahor au Serug ya, Serug au Reyu ya, Reyu au Feleg ya, Feleg au Eber ya, Eber au Shela ya.

³⁶ Shela au Kenan ya, Kenan au Arfakshad ya, Arfakshad au Shemya, Shem au Nuhu ya Nuhu au Lamekya,

³⁷ Lamek au Metuseloya ya Metusela au Anuhu ya Anuhu au Yaredya Yared au Mahalalel ya, Mahalalel au Kenan ya

³⁸ Kenan ya, au Enosh ya Enosh au Shituya, Shitu au Adamu ya Adamu ɗǝm au Kaa ya.